Healthy Breakfast Recipe : सकाळच्या नाश्त्यामध्ये जर तुम्हाला काही आरोग्यदायी आणि चविष्ट खायचे असेल तर तुम्ही मेदूवडा खाऊ शकता. सकाळच्या नाश्त्यासाठी दक्षिण भारतीय पदार्थांचा आस्वाद घेणे हे अनेकांना आवडते. शिवाय, आपल्या आरोग्यासाठी ते फायदेशीर देखील आहेत.
परंतु, जर तुम्हाला इडली आणि डोसा खाऊन कंटाळा आला असेल तर तुम्ही रवा मेदूवडा नक्कीच बनवू शकता. गरमागरम सांबर किंवा चटणीसोबत हा रवा मेदूवडा खूपच टेस्टी लागतो.
विशेष म्हणजे रव्यापासून मेदूवडा लगेच बनवला जातो, हा मेदूवडा पचायला देखील चांगला असतो. हिवाळ्यात शरीर ऊबदार ठेवण्यासाठी मेदूवडा फायदेशीर आहे. चला तर मग जाणून घेऊयात मेदूवडा बनवण्याची रेसिपी.
रवा १ कप
अर्धी वाटी दही
१ कप पाणी
जीरा १ चमचा
४-५ कढिपत्ता
तेल
बेकिंग सोडा
कोथिंबीर
बारीक चिरलेली हिरवी मिरची
चवीनुसार मीठ
सर्वात आधी एक मोठे बाऊल घ्या आणि त्यामध्ये रवा आणि दही घालून चांगल्या पद्धतीने मिसळा.
यानंतर, त्यात चिरलेली हिरवी मिरची, मीठ आणि कढीपत्ता, कोथिंबीर घालून मिक्स करा. आता त्यात थोडे पाणी घालून मेदूवड्याचे घट्ट पीठ तयार करा.
आता हे पीठ १५ मिनिटांसाठी झाकून ठेवा. त्यानंतर, या पीठात बेकिंग सोडा घालून पीठ चांगले मिक्स करून घ्या.
पीठ जास्तच घट्ट झाले असेल तर त्यात तुम्ही थोडे पाणी मिसळू शकता.
आता दुसऱ्या बाजूला गॅसवर कढईत तेल गरम करायला ठेवा.
तेल गरम होत असताना तुमच्या हातावर मेदूवड्याचे थोडे मिश्रण घेऊन त्यावर गोल करा आणि मधोमध अंगठ्यापेक्षा मोठे छिद्र तयार करा.
आता तेलात हे मेदूवडे तळून घ्या. सोनेरी होईपर्यंत हे वडे तळा.
नाश्त्यासाठी तुमचा कुरकुरीत रव्याचा मेदूवडा तयार आहे.
हा मेदूवडा तुम्ही सांबार किंवा चटणीसोबत ट्राय करू शकता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.