Idli Pizza Recipe: सकाळी नाश्त्यात चवदार अन् चटपटीत खायचे असेल तर १० मिनिटांत बनवा 'इडली पिझ्झा', जाणून घ्या रेसिपी

सकाळ साप्ताहिक

Idli Pizza Recipe: सकाळी नाश्त्यात रोज इडली खाऊन बोरं झाले असाल तर सकाळी नाश्त्यात इडली पिझ्झा बनवू शकता. लहान मुलांपासून मोठ्यापर्यंत सर्वजण आवडीने इडली पिझ्झा खातील. तुम्हालाही पिझ्झा खायला आवडत असेल तर इडली पिझ्झा बनवू शकता. हा पिझ्झा बनवणे सोपे असून चवदार देखील आहे. चला तर मग जाणून घेऊया इडली पिझ्झा बनवण्यासाठी कोणते साहित्य लागते आणि बनवण्याची कृती काय आहे.

इडली पिझ्झा बनवण्यासाठी लागणारे साहित्य

एक वाटी उडीद डाळ

१ टीस्पून मेथी दाणे

अर्धा वाटी बारीक रवा

सैंधव

लहान टोमॅट

सिमला मिरची

कोबी

फ्लॉवर बारीक चिरून

बारीक चिरलेली कोथिंबीर

चीज

इडली पिझ्झा बनवण्याची कृती

पदार्थ करण्याच्या आदल्या दिवशी सकाळी उडीद डाळ धुवून, मेथीदाणे घालून बेताच्या पाण्यात भिजवावी. रात्री त्याच पाण्यात वाटावी. फेटून झाकून ठेवावे. दुसऱ्या दिवशी सैंधव व रवा घालून फेटून अर्धा तास झाकून ठेवावे. थाळीत आतून तेलाचा हात लावून मिश्रण ओतावे. कुकरमध्ये शिटी न लावता पंधरा मिनिटे वाफवावे. हा झाला पिझ्झा बेस. सर्व भाज्या बारीक कापून त्याची एकत्रित भाजी आधीच करून ठेवावी. शिजलेली भाजी बेसवर पसरावी. वर चीज किसून घालावे.