Monsoon Diet: पावसाळ्यात भूक भागवण्यासाठी भाग्यश्रीने शेअर केली हेल्दी स्नॅक्स रेसिपी, पाहा व्हिडिओ

Bhagyashrees Shares Healthy Cheela: पावसाळ्यात गरम चहासोबत पकोडे, भजे,समोसा, बटाटा वडा यासारखे पदार्थ खाण्याची मज्जाच असते. पण तेलकट पदार्थ खाल्याने वजन वाढण्याची चिंता असते. पण अभिनेत्री भाग्यश्रीने तिच्या कुकींग डायरीमधून सोशल मिडियावर आरोग्यदायी रेसिपी शेअर केली आहे. भाग्यश्रीने नाचणीचा चिला कसा बनवावा हे सांगितले आहे. हा पदार्थ बनवणे सोपे असून आरोग्यदायी आहे.

नाचणी चिल्ला बनवण्यासाठी लागणारे साहित्य

• नाचणीचे पीठ

• तांदळाचे पीठ

• हळद

• लाल तिखट

• धणे पावडर

• पुदीना पावडर

• बडीशेप

• जिरे

• मीठ

• पुदीना

• दही

• बारिक चिरलेला हिरवी मिरची

• बारिक चिरलेला कांदा

• बारिक चिरलेली शिमला मिर्ची

• बारिक चिरलेला टोमॅटो

• तेल

• पनीर/चीज

नाचणी चिल्ला बनवण्याची कृती

नाचणीचा चिला बनवण्यासाठी सर्वात आधी दोन चमचे तांदळाचे पीठ नाचणीच्या पिठात मिक्स करावे. नंतर त्यात हळद, तिखट, धने पावडर, बडीशेप, जिरे आणि मीठ टाकावे आणि सर्व चांगले मिक्स करून घट्ट पेस्ट बनवावी. आता पिठात दोन चमचे दही, हिरवी मिरची, कोबी, कांदा, सिमला मिरची आणि टोमॅटो घाला आणि चांगले मिक्स करावे. एक तवा घ्या त्यावर तूप किंवा तेल लावून चिला बनवावा. दोन्ही बाजून चांगले खरपुस भाजावे. सर्व्ह करण्यापूर्वी पनीर खिसून टाकू शकता. हा चिला हिरवी चटणी किंवा टोमॅटो सॉससोबत खाऊ शकता.