Instant Breakfast Recipe : रोजच्या ब्रेकफास्टने कंटाळा आलाय; मग झटपट बनवा रवा पोहे डोसा

Instant Breakfast Recipe : रोज रोजच्या नाश्त्याच्या खाण्याने तुम्हाला कंटाळा आला असेलच ना? शिवाय मुलांना डब्यात नक्की काय द्यावं हाही विचार सुरू असेलच.. पण आता नाही; फक्त १० मिनिटांत बनवा स्वादिष्ट डोसा.. रवा आणि पोह्यांचा वापर करून मस्त ,मुलांच्या आवडीचे इन्स्टंट डोसे आणि चटणी ब्रेकफास्ट साठी बनवा; रोजच्या खाण्यात काहीतरी वेगळं आणि मस्त डिश होईल.

साहित्य

2 कप पोहे

1 कप रवा

2 टेबलस्पून बेसन/ तांदळाचे पीठ

1/2 कप दही

2 टेबलस्पून आलं, लसूण मिरची पेस्ट

1/2 टीस्पून मीठ

2 कप पाणी...आवश्यकतेनुसार जास्त

2 टेबलस्पून तेल

चटणीसाठी

1/2 कप खोबरे

1/2 कप कोथिंबीर

1/4 कप पुदिना पाने

1/2 कांदा

3 हिरव्या मिरच्या

1/2 इंच आलं

1 इंच चिंचेचा तुकडा

1 टीस्पून साखर

1/4 टीस्पून मीठ

1/4 कप पाणी...आवश्यकतेनुसार कमी जास्त

कृती

स्टेप 1

पोहे आणि रवा मिक्सर मधून बारीक करून घ्या.

स्टेप 2

त्यात दही, आलं लसूण मिरची पेस्ट,मीठ,बेसन घालून नीट मिक्स करा. पाणी घालून बॅटर तयार करा. पंधरा - वीस मिनिटे झाकून ठेवा म्हणजे रवा छान फुलेल. नंतर आवश्यकतेनुसार पाणी घालून पुन्हा छान मिक्स करून घ्या.

स्टेप 3

तवा गरम करून त्यावर ब्रशच्या सहाय्याने तेल लावून, तयार बॅटरचे पळीच्या साहाय्याने डोसे बनवा. दोन तीन मिनिटांनी उलटून दुसरी बाजू पण भाजून घ्या.

स्टेप 4

चटणीसाठीचे सर्व साहित्य मिक्सर मध्ये घालून फिरवून घ्या. आवश्यकतेनुसार पाणी घालून बारीक वाटून चटणी तयार करा.

स्टेप 5

गरम गरम डोसे चटणी सोबत सर्व्ह करा.