गव्हाची पोळी खाणाऱ्यांची संख्या कमी नाहीय. बऱ्याचदा आपल्याकडून जास्तीच्या चपात्या होतात काहीवेळा कोणी खाल्ली नाही तर चपाती उरते, अश्या वेळी त्या चपात्या पुन्हा खाल्ल्या जात नाहीत.
रोज नाश्त्याला काहीतरी नवीन खावसे वाटते ना? साहाजिकच आहे की तोच तोच नाश्ता खाऊन कंटाळा येतो. तेव्हा काहीतरी चटपटीत वेगळं खायची इच्छा होते. तुमच्या रात्रीच्या उरलेल्या चपात्यासुद्धा आता वाया जाणार नाही. त्याचे तुम्ही यम्मी रोटी बॉल्स बनवू शकता. तेव्हा जाणून घ्या रेसिपी.
रोटी बॉल्स बनवण्यासाठी लागणारे साहित्य
- उरलेल्या चपात्या
- १ कांदा
- शिमला मिरची
- कापलेले गाजर
- अर्धा चमचा लाल तिखट
- अर्धा चमचा काली मिरी पावडर
- चवीनुसार मीठ
बनवण्याची पद्धत
रोटी बॉल्स बनवण्यासाठी उरलेल्या चपात्यांचे छोटे छोटे तुकडे करून घ्या. एका भांड्यात हे तुकडे घाला त्यात चार ते पाच मोठे चमचे पाणी घालून ते भिजू द्या, वेगळ्या भांड्यात कांदा किसून घ्या.
त्यात शिमला मिरची गाजर कोथिंबीर मीठ लाल तिखट आणि काली मिरी पावडर घालून चांगलं एकजीव करून घ्या. भिजलेल्या चपाती मध्ये हे सर्व मिश्रण घाला आणि चपातीचज्या पिठाप्रमाणे मळून घ्या, या नंतर या मिश्रणाचे छोटे छोटे गोळे करून घ्या आणि तेलात ब्राऊन होईपर्यंत तळून घ्या
काहींना शिळ्या चपात्या अजिबात आवडत नाही. तेव्हा या चपात्या टेस्टी बनवण्यास ही रेसिपी मदत करेल. तर एरवी शिळी चपाती बघून दूर पळणारी लोक ही रेसिपी अगदी आवडीने ट्राय करतील . सकाळच्या नाश्त्यासाठी ही रेसिपी अगदी हेल्दी आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
