Food: भारतीय खाद्यपदार्थांमध्ये अशा अनेक गोष्टी आहेत ज्या आपल्या जेवणाची चव तर वाढवतातच पण आपल्या आरोग्यासाठीही खूप फायदेशीर असतात. भाज्या, फळे आणि संपूर्ण धान्यांव्यतिरिक्त, अशा अनेक बिया आहेत ज्यांचा आपण नियमितपणे आपल्या आरोग्यासाठी आहारात समावेश करू शकतो. तीळ हे असेच एक बीज आहे, जे हजारो वर्षांपासून आपल्या देशातच नव्हे तर संपूर्ण जगात वापरले जात आहे. आजच्या लेखात मकरसंक्रांत स्पेशल तीळ पापडी कशी तयार करायची याची रेसिपी पाहणार आहोत.
साहित्य:
एक वाटी पांढरे तीळ
3/4 वाटी साखर
वेलची पूड
जायफळ पूड
कृती:
सर्वप्रथम गॅसवर तवा ठेवून त्यामध्ये तीळ टाकून मध्यम आचेवर ते खरपूस भाजून घ्यावे. सोनेरी रंग येईपर्यंत तीळ मस्त भाजून घ्यावे. भाजलेले तीळ एका भांड्यात काढून घ्यावे. त्यानंतर कॅरमल तयार करण्यासाठी कढईत 3/4 वाटी साखर टाकावी. ती साखर सतत हलवत राहावी. साखर चांगली सोनेरी रंग येईपर्यंत ढवळत राहावी. जास्त वेळ साखर गरम करायची नाही. यामध्येच वेलची पूड आणि थोडसं जायफळ टाकावे. त्यानंतर या मिश्रणामध्ये भाजलेले तीळ टाकून व्यवस्थित ते हालवा. आता वॅक्स पेपर घेऊन एका चमच्याच्या सहाय्याने तिळाच्या मिश्रणाचा गोळा वॅक्स पेपरवर ठेवावा. वॅक्स पेपरवर आधी तुम्ही तूप लावा त्यानंतर तिळाचा गोळा ठेवून लाटण्याच्या सहाय्याने पापडी लाटा. मिश्रण गरम असतानाच आपल्याला हे तीळ पापडी लाटायचे आहे. अशाप्रकारे कुरकुरीत तीळ पापडी तयार होतील.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
