Makar Sankranti 2023: मकरसंक्रांत स्पेशल तीळ गुळाची पोळी कशी करायची?

Til Gul Poli: मकरसंक्रांतीच्या निमित्तानं तिळ आणि गुळाचा वापर करून विविध पदार्थ तयार करण्यासाठी महिला प्रयत्न करतात. त्यापैकी एक म्हणजे तीळ गुळाची पोळी. अनेकांचा घरी बनवला जाणारा हा पदार्थ खाण्यासाठी मस्त आहे झटपट होणारा आहे. आजच्या लेखात आपण मकरसंक्रांत स्पेशल तीळ गुळाची पोळी कशी करायची याची सविस्तर रेसिपी पाहणार आहोत.

साहित्य:

तिन वाटी तिळ

एक वाटी गुळ

साजूक तूप

एक वाटी गव्हाचे पीठ

अर्धा वाटी मैदा

एक चमचा वेलची पूड

कृती:

सर्व प्रथम गव्हाचे पीठ आणि मैदा चाळणीतून चाळून घ्यावा. चिमूटभर मीठ घालावे व पाण्याने सैलसर (पुरण पोळीला लागते तसे) मळून घ्यावे. 15 मिनिटे बाजूला ठेवावे.पीठाला तार नसेल तर थोडा मैदा घालावा.

तिळ मंद आचेवर खमंग भाजून घ्यावेत.थंड झाल्यावर कूट करून घ्यावा गुळ बारीक करावा/ किसून घ्यावा.नंतर तीळ व गुळ एकत्र करावे व मिक्सरमध्ये बारीक करून घ्यावे. मिश्रणात वेलची पुड घालावी. भिजवलेल्या पिठाचे लिंबा एवढे गोळे करावे.

प्रत्येक गोळ्याची पारी करून त्यात दोन चमचे मिश्रण दाबून घालून गोळा करावा. व गव्हाचे पींठ लावून पातळ पोळी लाटावी.नतंर तव्यावर तुप घालून पोळी मध्यम आचेवर दोन्ही बाजुंनी खरपूस भाजून घ्यावी,अशाच सर्व पोळ्या कराव्यात. वरून तूप घालून गरम गरम सर्व्ह कराव्यात.