Malai Kofta Recipe:हॉटेल सारखी टेस्ट बनवा घरच्या घरी

पुणे: बटाटा आणि पनीरचे अनेक प्रकारचे पदार्थ तुम्ही बर्‍याचदा बनवून खाल्ले असतील, पण यावेळी बटाटा आणि मलाई कोफ्ता कोफ्ता बनवण्याचा प्रयत्न जरुर करा. असो, मलाई कोफ्ता चं नाव ऐकल्यामुळे तोंडाला पाणी आले असावे. म्हणून यावेळी आपल्या प्रियजनांसाठी मलाई कोफ्ता नक्कीच करून पहा. मलाई कोफ्ता ही एक मशहूर व्हेजिटेरियन डिश आहे. पनीर कोफ्ते हा क्रीम ग्रेव्हीमध्ये बुडवल्यामुळे एक वेगळी टेस्टी चव येते. हेच कारण आहे की त्याची चव प्रत्येकाला आवडते. चला तर मग मलाई कोफ्ता कसा बनवायचा त्याची रेसिपी पाहूयात.

कोफ्ता बनवण्यासाठी साहित्य

- किसलेले पनीर - 1 कप

- उकडलेले मॅश बटाटे - 1 कप

- चिरलेली कोथिंबीर - 2 कप

- जिरे - 1/2 टीस्पून

- मीठ - चवीनुसार

- चिरलेली मिरची- 2

- तेल - आवश्यकतेनुसार (तळण्यासाठी)

- मैदा पीठ - 3 टिस्पून

ग्रेव्ही बनवण्यासाठी साहित्य

- तेल - 2 टीस्पून

- टोमॅटो - 2 मध्यम आकाराचे

- हिरवी मिरची - 2

- आले-लसूण पेस्ट - 1 टीस्पून

- हिंग - एक चिमूटभर

- जिरे - 1/2 टीस्पून

- धणे पावडर - 1 टीस्पून

- हळद - 1/4 टीस्पून

- लाल तिखट - चवीनुसार

- क्रीम - 1/4 कप

- मैदा - 1 टीस्पून

- गरम मसाला पावडर - 1/2 टीस्पून

- मीठ - चवीनुसार

- चिरलेली कोथिंबीर - 2 चमचा

कोफ्ता कसा बनवायचा

कोफ्ताचे सर्व साहित्य अर्धा चमचा मैद्याच्या पीठात घालून लहान कोफ्ते तयार करा. यानंतर कढईत तेल गरम करून तयार कोफ्ता गरम तेलात घाला. नंतर ते सोनेरी होईपर्यंत तळा आणि नंतर त्यांना पॅनमधून बाहेर काढा.

अशी तयार करा ग्रेव्ही

- कोफ्तासाठी ग्रेव्ही बनवण्यासाठी प्रथम टोमॅटो आणि हिरव्या मिरचीची पेस्ट तयार करा.

- यानंतर मलई आणि पीठ एकत्र करून पेस्ट बनवा. नंतर कढईत तेल गरम करून त्यात हिंग, जिरे घाला.

- त्यात टोमॅटो प्युरी, धणे, हळद आणि तिखट घाला. नंतर पॅन झाकून ठेवा आणि थोडावेळ मध्यम आचेवर शिजू द्या.

- टोमॅटो पुरी अर्ध्या पर्यंत कमी झाल्यावर कढईमध्ये मलई, मैदा यांचे मिश्रण आणि मीठ घाला.

- यानंतर त्यात एक वाटी पाणी घाला आणि पुन्हा थोडा वेळ शिजवा.

- नंतर त्यात गरम मसाला पावडर आणि कोथिंबीर घाला.

- दोन मिनिटे शिजवा आणि मग तयार कोफ्ता ग्रेव्हीवर घाला.

- उकळी आल्यावर गॅस बंद करा.

- हॉटेल सारखी टेस्टी मलाई कोफ्ताची चव चाखून पहा.