Monsoon Special Recipes : संजीव कपूर यांनी शेअर केली बटाट्याच्या भजीची साधीसोपी रेसिपी

Monsoon Special Recipes News : पावसाळा सुरू झालाय त्यामुळे वाढत्या उष्णतेपासून सर्वसामान्यांची सुटका झाली आहे. पावसाळा या ऋतूची बातच काही और आहे. या ऋतूत प्रत्येकजण वेगवेगळे रूचकर पदार्थ तयार करून त्यांचा पोटभर आस्वाद घेतात. पावसाळ्यात भजी आणि चहा या टेस्टी डिशचे समीकरण तर ठरलेलंच आहे.

अलीकडेच शेफ संजीव कंपूर यांनीही बटाटा भजीची साधीसोपी रेसिपी आपल्या फॉलोअर्सकरिता शेअर केली.  फ्रेंच फ्राईज या पदार्थाची खवय्यांना तोंडओळख होण्यापूर्वी बटाटा व कांदा भजी हेच सर्वसामान्यांचे आवडीचे पदार्थ असायचे, अर्थात अजूनही आहेत.

पार्टीतील Menu Card मध्ये आता बरेच वेगवेगळे पदार्थ पाहायला मिळतात. पण कांदा व बटाट्याच्या भाजी (batata bhaji recipe in marathi) जागा कोणताही पदार्थ घेऊ शकत नाही. तुम्हालाही बटाट्याची भजी खायला आवडते का ?  चला तर जाणून घेऊया शेफ संजीव कपूर यांनी शेअर केलेली रेसिपी

रेसिपी तयार होण्याकरिता लागणारा कालवधी - 6-10 मिनिटे

कुकिंग टाईम - 11-15 मिनिटे

सामग्री

• मध्यम आकाराचे बटाटे  - चार

• चण्याचे पीठ – दीड कप

• लाल तिखट मसाला – अर्धा चमचा

• हळद – अर्धा चमचा

• जिरे - 1/4 चमचा 

• स्वादानुसार मीठ

• भजी तळण्यासाठी तेल 

• चाट मसाला

• खजूर आणि कोथिंबिरीची चटणी

• हिरवी चटणी

रेसिपी

• स्टेप 1: एका बाऊलमध्ये चण्याचे पीठ घ्या. त्यामध्ये लाल तिखट मसाला, हळद, स्वादानुसार मीठ जिरे आणि आवश्यकतेनुसार पाणी एकत्रित करा. हे सर्व घटक योग्यरित्या एकजीव करा.

• स्टेप 2 : एका कढईमध्ये तेल गरम करत ठेवा.  

• स्टेप 3 : बटाट्याचे काप भजीच्या मिश्रणात डीप करा आणि मग भजी तळण्यासाठी तेलात सोडा.

• स्टेप 4: भजी दोन्ही बाजूंनी व्यवस्थित तळून घ्या. भजीचा रंग सोनेरी झाल्यानंतर कढईतून भजी काढावा. 

• स्टेप 5 : एका प्लेटमध्ये चाट मसालासह बटाटा भजी सर्व्ह करावी.

हिरवी चटणी किंवा खजूर-कोथिंबिरीच्या चटणीसह बटाटा भजीचा आस्वाद घ्यावा.