Weigh Loss Breakfast : वजन कमी करण्यासाठी ब्रेकफास्टमध्ये बनवा सोया पोहे, होतील अनेक फायदे !

ज्या लोकांचे वजन जास्त आहे आणि ज्यांना लठ्ठपणा कमी करायचा आहे, त्यांनी व्यायाम, योगासने याशिवाय त्यांच्या आहाराचीही विशेष काळजी घेतली पाहिजे. चांगला आणि सकस आहार लवकर वजन कमी करण्यास मदत करतो. 

पोह्यांमध्ये कॅलरीज, प्रोटीन्स, फायबर, कार्ब्ज आणि व्हिटॅमिन असतात. पोहे पचायला हलके असतात म्हणून लोकं नाश्त्याला पोहे बनवणं पसंत करतात. पण तुम्ही सोया पोहे खाल्लेत कधी? जाणून घ्या रेसिपी.

साहित्य

सोया चंक्स १ कप, भिजवलेले पोहे दीड कप, मिरच्या २, शेंगदाणे, मोहरी, कढीपत्ता, अर्धा बारीक चिरलेला कांदा, हळद, लिंबाचा रस १ चमचा बारीक चिरलेली कोथिंबीर, तेल, मीठ

कृती

• दोन कप गरम पाण्यात सोया चंक्स टाका. १५ मिनीटं भिजू द्या.

• नंतर पाणी काढून एका भांड्यांत ठेवा.

• मग एका कढईत तेल गरम होऊ द्या.

• त्यात कांदा, मिरची, कढीपत्ता टाका.

• हे सर्व ३-४ मिनीटं शिजू द्या.

• यात शेंगदाणे घालून नीट परता.

• नंतर त्यात सोया चंक्स आणि मीठ टाकून नीट मिक्स करा.

• त्यात भिजवलेले पोहे घालून व्यवस्थित हलवून घ्या.

• ५ मिनीटं वाफ घ्या. मग त्यात वरून लिंबू कोथिंबीर घाला.

• पौष्टीक सोया पोहे तयार.