Morning Breakfast: सकाळी नाश्त्यात बनवा क्रिस्पी कॉर्न कटलेट, जाणून घ्या सोपी रेसिपी

Crispy Corn Cutlet Recipe: पावसाळ्यात भाजलेले मक्याचे कणिस खाण्याची मज्जाच वेगळी असते. मक्याच्या दाण्यापासून भेळ, चाट पदार्थ तुम्ही खाल्ले असेलच पण क्रिस्पी कॉर्न कटलेट ट्राय केले आहे का?नसेल तर नाश्त्यात नक्की ट्राय करून पहा. हा पदार्थ बनवणे अगदी सोपे असून चवदार आहे. घरातील लहानांपासून मोठ्यांपर्यंत सर्वांना खुप आवडेल. तसेच मक्यामध्ये अनेक पोषक घटक असतात जे आरोग्यासाठी फायदेशीर असते. चला तर मग जाणून घेऊया क्रिस्पी कॉर्न कटलेट कसे बनवतात.

क्रिस्पी कॉर्न कटलेट बनवण्यासाठी लागणारे साहित्य

मक्याचा चुरा - १/२ कप

गाजर - २ टेबल स्पून

सिमला मिरची- 1 टेबल स्पून

उकडलेल्या मक्याचे दाणे -१/४ कप

उकडलेले बटाटे- १

हिरवी मिरची - २ टेबल स्पून

आलं पेस्ट- २ टेबल स्पून

कोथिंबीर- २ टेबल स्पून

लाल तिखट - १ टेबल स्पुन

हळद - १ टेबल स्पुन

गरम मसाला- १ टेबल स्पुन

मीठ- चवीनुसार - १ टेबल स्पुन

बेसण- १ टेबल स्पून

तांदळाचे पीठ- २ टेबल स्पून

रवा-१/२कप

चीज

क्रिस्पी कॉर्न कटलेट बनवण्याची कृती

क्रिस्पी कॉर्न कटलेट बनवण्यासाठी सर्वात आधी एका भाड्यांत मक्याचा चुरा घ्यावा. त्यात बारिक चिरलेली सिमला मिरची, गाजर, उकडलेल्या मक्याचे दाणे, बटाटा,हिरवी मिरची आणि आलं पेस्ट, कोथिंबिर, लाल तिखट, हळद, गरम मसाला, मीठ, बेसण, तांदळाचे पीठ सर्व चांगले मिक्स करावे. नंतर या मिश्रणाचा छोटा गोळा घेऊन कटलेट बनवावे. नंतर हे कटलेट रव्यामध्ये टाकावे आणि गरम तेलात सोनेरी होईपर्यंत तळून घ्यावे. तयार क्रिस्पी कॉर्न कटलेटचा टोमॅटो सॉससोबत आस्वाद घेऊ शकता.