Poli Ladu Recipe : शिळ्या पोळ्या उरल्या आहेत? मग बनवा खास गुळाचा लाडोबा

Poli Ladu Recipe : अनेकदा असं होत की, आदल्या दिवशी रात्री बाहेरूनच काहीतरी खाणं होतं, किंवा अंदाज चुकतो त्यामुळे शिळ्या पोळ्या उरतात. त्यांचं नक्की काय करावं हा प्रश्न असतोच. तसा, पोळीचा कुसकरा हा ऑप्शन असतोच पण त्याने अनेकदा ॲसिडीटी होते आणि मग नक्की काय करावं हा प्रश्न पडतो, यात तुम्ही गुळाचा लाडू करू शकतात आणि मुलांनी खावं म्हणून त्याला तुम्ही गुळाचा लाडोबा अस नावही देऊ शकतात.

साहित्य:

४ ते ५ आदल्या दिवशीच्या पोळ्या

४ चमचे किसलेला गूळ, किंवा चवीनुसार

३ चमचे साजूक तूप

कृती:

१) पोळ्यांचा कुस्करा करून मिक्सरमध्ये भरडसर फिरवून घ्या.

२) त्यात गूळ आणि तूप घालून चांगले मळा. गूळ, तूप आणि बारीक केलेली पोळी हे चांगले मिक्स करा.

३) आणि याचे छान छोटे छोटे लाडू वाळून घ्या.

टीप : या लाडूंमध्ये ड्रायफ्रुट्सची भरडसर पूड आवडत असल्यास घालू शकतो. तसच शोभेकरता बेदाणेही लावू शकतो.