माझी पाककृती : पापड पोहे

- प्रियांका दोशी, कल्याण

साहित्य : ५-६ भाजलेले पापड, ३-४ चमचे तेल, १ चमचा मोहरी, १ चमचा तिखट, ४-५ चमचे तिळकूट, ३ मध्यम वाटी जाडे पोहे, चवीप्रमाणे मीठ.

कृती :

प्रथम ५-६ पापड भाजून घ्यावेत.

जाडे पोहे ३ मिनिटे हलकेसे भाजून घ्यावेत.

तेल तापवून त्यात मोहरी, तिखट, तिळकूट, चवीपुरते मीठ घालावे.

मग त्यात पापड चुरा करून आणि भाजलेले पोहे घालावे.

चांगले २-३ मिनिटे परतून घ्यावे. मग पापड पोहे तयार झाले.

पापड आणि तिळकुटामध्ये मीठ आधीच असते- त्यामुळे चवीपुरते मीठ घालावे.