कुरडू रानभाजी हे एक प्रकारचं तण असतं. पावसाळ्याच्या सुरुवातीलाच रानोमाळ कुरडू जातीची पालेभाजी दिसू लागते. कुरडू कोवळ्या पानांची भाजी केली जाते.
चला तर मग बघू आज कशी करायची कुरडूची भाजी याची रेसिपी ..
साहित्य:
1) दोन जुड्या कुरडूची भाजी ( भाजीचे पाने खुडूनघेऊन धुवून तिन ते चार पाण्याने भाजी स्वच्छ धुवून घ्यावी)
2) दोन कांदे बारीक चिरुन
3) लसुण पाकळ्या ठेचून
4) हिरव्या मिरच्या
5) हिंग
6) हळद
7) एक टोमॅटो बारीक चिरुन
8) पाव वाटी ओल खोबर करडवुन
9) मिठ
10) दोन चमचे तेल
कृती:
सर्वप्रथम भांड्यात तेल गरम करुन लसूण, मिरची फोडणीला टाकावी मग हिंग, हळद, कांदा घालून जरा परतवावे. आता लगेच टोमॅटो आणि कुरडूची चिरलेली भाजी टाकावी. मग झाकण ठेउछन जरा वेळ ते शिजू द्यावे. थोड्या वेळाने ढवळून त्यात मिठ,घालावे.परत चांगल परतून घेऊन 3-4 मिनीटांनी ओल खोबर घालाव व गॅस बंद करावा.तुम्हाला आवडत असेल तर भिजवलेली चणाडाळ, भिजवलेली मुगडाळ घालुनही ही भाजी करता येते. टोमॅटोच्या ऐवजी अर्धा लिंबूही चालेल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
