Rava Batata Puri Recipe : पुरी खायला आवडते? पण कधी रवा बटाटा पुरी ट्राय केली आहे का?

Rava Batata Puri Recipe : आपण सतत काहीना काही नवनवीन रेसिपी ट्राय करत असतो, त्यात पुऱ्यांमध्ये तर नवनवीन प्रकार खायला घरात सगळ्यांनाच आवडतात. पुऱ्यांची अशीच एक हटके रेसिपी म्हणजे रवा बटाटा पुरी.

रवा बटाटा पुरी ही नाश्त्यासाठी किंवा प्रवासामध्ये घेऊन जाण्यासाठी एक उत्तम पर्याय आहे; सॉफ्ट आणि टेस्टी अशी ही पुरी सर्वांनाच फार आवडते त्यासोबत लोणच, चटणी किंवा सॉस सोबत ही पुरी अजून लागते.

साहित्य

4 उकडलेले बटाटे

1 वाटी बारीक रवा भीजवून

2 वाटी गव्हाचे पीठ

1 1/2 टेबलस्पून लाल तिखट, लसूण, जीरे , मीठ

1 टीस्पून ओवा

1 टीस्पून धणेपूड

1 टीस्पून मीठ

1 टीस्पून हळद

250 ग्राम तेल तळण्यासाठी

कृती:

स्टेप 1

उकडलेले बटाटे सोलून एका मोठ्या बाऊलमध्ये मॅशरने मॅश करून घ्या. एका बाऊलमध्ये रवा घ्या.

स्टेप 2

रव्यामध्ये अर्धा वाटी पाणी टाकून रवा पाच मिनिटांसाठी भिजवून ठेवा. मॅश केलेला बटाट्यामध्ये भिजवलेला रवा टाका.

स्टेप 3

रवा आणि बटाट्याच्या मिश्रणामध्ये तिखट, लसूण, जीरेचा ठेचून टाका. ओवा, धणे पूड आणि मीठ टाका.

स्टेप 4

मिश्रण चांगले मिक्स करून घ्या आणि त्यातून घट्ट गोळा तयार करण्यासाठी कणिक टाका, पाणी घालू नका, तेलाचा हात लावून घट्ट गोळा भिजवून घ्या.

स्टेप 5

भिजवलेले पीठ पाच मिनिटे झाकून ठेवा नंतर त्याची एक साधारण जाडीच्या घट्ट पुऱ्या लाटून घ्या.

स्टेप 6

गॅस वर तेल गरम करून घ्या नंतर त्यात पुरी टाकून साधारण लाल सर पुर्‍या तळून घ्या. चटणीसोबत गरम गरम रवा बटाट्याची पुरी सर्व करा.