Raita Masala Recipe: टिपिकल रायत्याला येईल नवी चव, पुदिन्याचा मसाला बनवा अन् स्टोअर करा

जेवताना प्रत्येकाला तोंडी लावण्यासाठी काहीतरी हवच असतं. ताटात तोंडी लावण्यासाठी बहुतांश गृहिणी लोणचं, कोशिंबिर, भजी, रायता अनेक विविध प्रकार करताना दिसतात. पण या सर्वांत रायता...अहाहा...रायता हा सर्वांच्याच आवडीचा पदार्थ आहे. प्रत्येकजण आपापल्या चवी नुसार रायता बनवत असतो. रायत्यामध्ये अनेक प्रकारही पाहायला मिळतात. बुंदी रायता, कांदा रायता, भाजी रायता असे अनेक प्रकार आहेत. पण रायत्याचा प्रकार कोणताही असो.

रायता सहसा फळे, भाज्या किंवा बुंदीमध्ये दही मिसळून बनवले जाते. ते अधिक चवदार बनवण्यासाठी त्यात चाट मसाला आणि जिरे टाकले जातात. पण आज आम्ही तुमच्यासाठी एक अशी रेसिपी घेऊन आलो आहोत ज्यामुळं तुमच्या रायत्याची आणखी स्वादिष्ट होईल.(how to make pudina raita masala)

पुदिना मसाला चटणी, रायता, कोशिंबीर, चाट किंवा पेयांमध्ये वापरला जातो. हा पुदिना मसाला चवीसोबतच आरोग्यासाठीही खुप फायदेशीर आहे. हा मसाला घातल्याने पदार्थाला एक वेगळीच चव येते.

तर हा पुदीना मसाला कसा बनवायचा?

साहित्य

पुदिन्याची ताजी पाने - 2 चमचे

हिरवी धणे पाने - 2 चमचे

हिरवी मिरची - 3 पीसी

भाजलेले जिरे पावडर - 1 टीस्पून

काळे मीठ - चवीनुसार

काळी मिरी पावडर - 1 टीस्पून

चाट मसाला- 1 टीस्पून

आमचुर पावडर - 1 टीस्पून

लिंबाचा रस - 2 चमचे

कृती

पुदिन्याची ताजी पानं आणि हिरवी कोथिंबीर नीट धुवा. त्यातील पाणी नितळून घ्या. यानंतर पुदिना आणि हिरवी कोथिंबीर मिक्सर ग्राइंडरमध्ये टाका. आता हिरवी मिरची मिक्सरमध्ये टाकून पेस्ट बनवा. यामध्ये थोडं पाणी घालू शकता जेणेकरून ते सहज बारिक होईल. आता या पेस्टमध्ये भाजलेले जिरे पावडर, काळे मीठ, काळी मिरी पावडर, चाट मसाला आणि आमचुर पावडर घाला. ते चांगले मिसळा. आवश्यक असल्यास, आपल्या चवीनुसार मसाले घाला. जर तुम्हाला ते थोडे अधिक आंबट करायचे असेल तर तुम्ही लिंबाचा रस घालू शकता.

हा मसाला स्टोअर करण्यासाठी हवाबंद झाकणाची बरणी निवडा. बरणीमध्ये मसाला भरल्यानंतर त्याचे झाकण चांगले बसवले पाहिजे. यामुळे त्याचा सुगंध बराच काळ टिकून राहील.