Republic Day Special Recipe : खास प्रजासत्ताकदिनी नाश्त्याला बनवा तिरंगा पोहे

Republic Day Special Recipe 2023 : आपला राष्ट्रीय सण असणारा प्रजासत्ताक दिन हा संपूर्ण देशभर मोठ्या उत्साहात साजरा होतो. बहुतेक सगळ्यांनाच या दिवसाची सुट्टी असते. अशावेळी जर तुम्हाला मुलांसाठी काही स्पेशल नाश्ता बनवण्याची इच्छा असेल तर एक खास तिरंगा रेसिपी आम्ही घेऊन आलो आहोत.

ही तिरंगा पोहे रेसिपी अगदी हेल्दी, टेस्टी आणि डोळ्यांनाही टेम्पटींग अशी आहे. बघुनच मुलांना खाण्याची इच्छा होईल आणि त्यांच्या तब्येतीसाठी उपयुक्त असे आहे. जाणून घ्या.

साहित्य

• पोहे - अर्धा किलो

• तेल

• हिरव्या मिरच्या

• पालक प्युरी

• मीठ

• लाल तिखट

• टोमॅटो प्युरी

• जिरे, मोहरी

• चिरलेला कांदा

कृती

नारंगी पोहे कृती

पोहे भिजवून घ्या. कढईत तेल गरम झाल्यावर त्यात जिरे मोहरीची फोडणी घाला. त्यात कांदा नीट शिजवून घेत मग हळद, लाल तिखट, टोमॅटो प्युरी घाला. नीट परतून घेतल्यावर त्यात पोहे, मीठ घाला. सर्व फोडणी आणि पोहे व्यावस्थित मिक्स करून घ्या. त्याला छान नारंगी रंग येईल.

हिरवे पोहे कृती

कढईत तेल तापल्यावर त्यात जिरे मोहरीची फोडणी घालून कांदा नीट शिजवून घेत मग हळद, हिरवी मिरची, भिजवलेले पोहे आणि मीठ घालून नीट हलवून घ्या. मग नंतर त्यात पालक प्युरी घाला. याला थोड्यावेळ वाफ काढा.

पांढरे पोहे

कढईत तेल गरम करून त्यात जिरे मोहरीची फोडणी घाला. त्यात थोडं मीठ घाला आणि भीजवलेले पोहे टाकून परतून घ्या.

मांडणी

आता यासाठी तिरंग्याचा आकार तुम्हाला कसा बनवायचा त्यानुसार पोहे अरेंज करता येतात. यात जर गोलाकार मूद पाडल्यासारखा तिरंगा बनवायचा असेल तर एका मोठ्या बाऊल मध्ये सगळ्यात खाली नारंगी पोहे, त्यावर पांढरे आणि मग हिरवे पोहे घाला. म्हणजे मूद पाडल्यावर बरोबर नारंगी, पांढरा आणि हिरवा असा क्रम दिसेल.

किंवा जर ताटलीत आडवा तिरंगा बनवायचा असेल तर आधी नारंगी लेयर, मग पांढरा आणि नंतर हिरवा लेयर देऊन तिरंगा बनला