Dussehra 2024: दसऱ्याला मलाईदार स्वादिष्ट खीर बनवायची असेल तर नोट करा सोपी रेसिपी, सर्वजण खातच राहतील

Dussehra 2024 Foods and Recipes: हिंदू धर्मात दसऱ्याला खुप महत्व आहे. देशभरात मोठ्या आनंदात दसरा साजरा केला जातो. दसऱ्यालाच विजयादशमी म्हटले जाते. यंदा 12 ऑक्टोबरला म्हणजेच आज दसरा साजरा केला जात आहे. मान्यतेनुसार या दिवशी प्रभू श्रीरामांंनी लंकेचा राजा रावणाचा वध केला होता. तसेच तसेच दुर्गा देवीने महिषासुर नावाच्या राक्षसाचा वध केला होता. त्यानुसार वाईटावर चांगल्याचा विजयाचे प्रतिक असलेला दसरा हा सण देशभरात मोठ्या आनंदात साजरा केला जातो. दसऱ्याचा आनंद द्विगुणीत करण्यासाठी मलाईदार खीर बनवू शकता. चला तर मग जाणून घेऊया खीर बनवण्यासाठी कोणते साहित्य लागते आणि कृती काय आहे.

खीर बनवण्यासाठी लागणारे साहित्य

तूप

सुकामेवा

1/2 वाटी भिजवलेले तांदूळ

1 लिटर दूध

वेलची पावडर

केशर दूध

1/2 वाटी साखर

किसलेले नारळ

खीर बनवण्यासाठी कृती

खीर बनवण्यासाठी सर्वात आधी सुकामेवा तुपात भाजून घ्यावा.

नंतर तांदूळ स्वच्छ धुवावे आणि तुपात सोनेरी होईपर्यंत भाजून घ्यावे.

नंतर दूध उकळ्यानंतर त्यात १ चमचा वेलची पावडर टाका

नंतर केशर दूध मिक्स करून चमच्याने ढवळा.

नंतर वाटीभर साखर मिक्स करा आणि मंद आचेवर उकळू द्या.

खीरवर साय दिसू लागली की सुकामेका मिक्स करावे.

तुमची गरमागरम तांदळाची खीर तयार आहे.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.