Samosa Ban : या देशात आहे समोसा खाण्यावर बंदी! कारण काय ते वाचा

भारतीय लोकांना समोसा अत्यंत आवडतो. पाहुणे आले की अनेक घरांत आवर्जून त्यांना समोसा खायला (Food) दिला जातो. भारतात खूपच कमी लोकं असतील ज्यांना समोसा आवडत नसेल. इतका हा समोसा भारतात लोकप्रिय आहे. परदेशातही अनेक लोकांना समोसा आवडतो. पण असा एक देश आहे जिथे समोसा खाण्यावर चक्क बंदी घातली आहे.

हे कारण आहे कारणीभूत

सोमालिया या देशात कोणीही समोसा खाऊ शकत नाही. इथे समोसा खाण्याला बंदी आहे. समोसाच्या आकारामुळे ही बंदी घालण्यात आली आहे. पण आकाराचा काय संबंध असं कुणालाची वाटू शकतं. समोसाचा आकार त्रिकोणी असतो. सोमालियातील एका अतिरेकी गटाला असे वाटते की, समोसाचा त्रिकोणी आकार हा ख्रिश्चन समुदायाच्या जवळचा आहे. तो त्यांच्या पवित्र चिन्हाशी मिळता जुळता आहे. ही लोकं या चिन्हाचा आदर करतात. त्यामुळे सोमालियामध्ये समोसावर बंदी घालण्यात आली आहे.

जर इथल्या लोकांनी समोसा तयार केला, विकत घेण्याचा प्रयत्न केला तर त्यांना शिक्षा होऊ शकते. काही अहवालांमध्ये सोमालियामध्ये समोसा करताना प्राण्यांचे मांस वापरण्यात आले होते, असा दावा करण्यात आला आहे. तसेच या देशात समोसा आक्रमकतेचे प्रतीक मानला जातो. त्यामुळेच त्यावर पूर्णपणे बंदी घालण्यात आली आहे.