Shravan Special Recipe: पहिल्या श्रावणी सोमवारी बनवा उपवासाचा बटाटा पराठा , जाणून घ्या रेसिपी

Shravan Somvar Special Recipe: आज श्रावण महिन्याचा पहिला दिवस असून पहिला सोमवार आहे. या दिवशी शिवभक्त महादेवाची मनोभावेने आणि मोठ्या श्रद्धने पूजा करतात आणि उपवास करतात. उपवासाला तेच तेच पदार्थ खाऊन बोर झाले असाल तर आज उपवासाचा बटाटा पराठा बनवू शकता. हा पराठा बनवणे सोपा असून चवदार देखील आहे. तसेच तुम्ही दिवसभर उत्साही राहाल. उपवासाचा बटाटा पराठा कसा बनवायचा हे जाणून घेऊया.

उपवासाचा बटाटा पराठा बनवण्यासाठी लागणारे साहित्य

साबुदाणा - १ वाटी

राजगिरा पीठ -१/२ कप

उकडलेले बटाटे- २

हिरव्या मिरच्या - २

आलं - १ तुकडा

सेंधव मीठ- चवीनुसार

काळे मिरं पावडर - १ चमचा

उपवासाचा बटाटा पराठा बनवण्याची कृती

उपवासाचा बटाटा पराठा बनवण्यासाठी एका भांड्यात भिजवलेला साबुदाणा घ्यावा. नंतर त्यात उकडलेले बटाटे घालून चांगले बारिक करावे. बटाटा आणि साबुदाण्याला घट्ट राजगिरा पीठ वापरावे. पीठ चांगले मळून घ्यावे. नंतर त्यात हिरव्या मिरचीची पेस्ट, सेंधव मीठ, काळे मिरं पावडर टाका आणि परत चांगले मिक्स करा. याचे छोटे गोले बनवून पराठे करून घ्यावे.गरम तव्यावर तुप लावून दोन्ही बाजून चांगले भाजून घ्यावे. दह्यासोबत गरम उपवासाचे पराठे खाऊ शकता.