आज श्रावणातील दुसरा श्रावण सोमवार त्यानिमित्ताने एक खास उपवासाच्या फराळाची रेसिपी आम्ही तुमच्या करता घेऊन आलो आहोत.
साहित्यः
1) एक वाटी नायलॉन साबूदाणा
2) थोडासा डिंक
3) एक वाटी शेंगदाणे
4) सुक्या खोबर्‍याचे काप
5) एक वाटी बटाट्याचा खिस (वाळवलेला)
6) काजू, बदाम, बेदाणे
7) चिवडा तळण्यासाठी तूप किंवा तेल
8) आपल्या अंदाजानुसार जिरे, मीठ, साखर, तिखट
कृती:
सर्वप्रथम लोखंडी कढईत तेल/ तूप गरम करावे.
नंतर मग सुरुवातीला नायलॉन साबूदाणा मंद गॅसवर तळून घ्यावा. त्यानंतर डिंक तळून घ्यावा,नंतर शेंगदाणे, खोबऱ्याचे काप तळून घ्यावेत.
नंतर मग बटाट्याचा खिस तळून घ्यावा.
आणि सगळ्यात शेवटी काजू, बदाम आणि बेदाणे, तळून घ्यावेत.
नंतर हे सर्व तळलेले पदार्थ एकत्र करुन टिशू पेपरवर टाकावे जेणेकरुन त्यातील तेल निघून जाईल. मग नंतर हे पदार्थ एका भांड्यात टाकून त्यावर मीठ, पिठीसाखर, तिखट भुरभुरून एकत्र करावे.
अशा रितीने घरच्या घरी तुमचा उपवासाचा चिवडा तयार झाला आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
