Sunday Special Recipe: रविवार आरोग्यादायी बनवायचयं? मग सकाळी नाश्त्यात बनवा 'हाय प्रोटीन सॅलड', जाणून घ्या रेसिपी

सकाळ साप्ताहिक- सुलभा प्रभुणे

High Protein Salad: रविवारी सुट्टीचा दिवस असल्याने काही घाई नसते. यामुळे तुम्ही सकाळी नाश्त्यात पौष्टिक मटकी सॅलड बनवू शकता. मटकी सॅलड बनवणे खुप सोपे आहे. मटकीमध्ये प्रथिने, व्हिटॅमिन यासारखे अनेक पोषक घटक असतात. जे आरोग्यासाठी फायदेशीर असतात. तसेच सकाळी नाश्त्यात खाल्यास दिवसभर ऊर्जा राहते आणि वजन देखील नियंत्रणात राहते. हा पौष्टिक सॅलड अतिशय चवदार असून आरोग्यदायी आहे. तुम्हीसॅलड सकाळी नाश्त्यात किंवा जेवणात खाऊ शकता. चला तर मग जाणून घेऊया मटकी सॅळल बनवण्यासाठी कोणते साहित्य लागते आणि बनवण्याची पद्धत काय आहे.

हाय प्रोटीन सॅलड बनवण्याठी लागणारे साहित्य

एक वाटी मोड आलेली मिक्स कडधान्ये

२ टेबलस्पून भाजलेले शेंगदाणे

सोललेल्या संत्राच्या १ वाटी फोडी

अर्धे लिंबू

१ टीस्पून चाट मसाला

२ चमचे मनुका/ बेदाणे

२ टेबलस्पून अक्रोडाचे तुकडे

आले व मिरची ठेचा (अगदी थोडासा)

सजावटीसाठी कोथिंबीर

हाय प्रोटीन सॅलड बनवण्याची कृती

हाय प्रोटीन सॅलड बनवण्यासाठी सर्वात पहिले मोडाची कडधान्ये जरा वाफवून घ्यावीत.

ती एका बाऊलमध्ये घेऊन त्यात अक्रोडाचे तुकडे, शेंगदाणे, मनुका घालव्यात.

चाट मसाला, मीठ, लिंबाचा रस, चवीनुसार आले-मिरचीचा ठेचा घालावा.

सर्व मिश्रण नीट मिक्स करावे.

वरून सोललेल्या संत्राच्या फोडी घालाव्यात.

शेवटी कोथिंबीर घालून सर्व्ह करावे.