Peanut Bhel Recipe : चटपटीत पीनट भेळ बनवण्याची सोपी पध्दत

हायलाइट्स

• मधल्यावेळात भूक लागल्यावर झटपट बनवता येते.

• काही मिनीटातच बनते पीनट भेळ.

मधल्या वेळात छोटीशी भूक लागल्यावर काहीतरी हलके-फुलके खाण्यासाठी पीनट भेळ चांगला ऑप्शन आहे. बऱ्याचदा जेवणाव्यतिरीक्त भूक लागते. तर काही लोकांना संध्याकाळच्या चहा सोबत काहीतरी खाण्याची सवय असते. अशावेळी झटपट तयार होणारी ही भेळ बनवावी. ही भेळ जेवढी चविष्ट असते तेवढीच बनवायला सोपी आहे.

पीनट भेळ बनवण्यासाठी मिक्स फरसाण बरोबर शेंगादाणे व इतर साहित्य लागते. ही भेळ लहान मुलांना फार आवडते. घरात मित्रांची मैफल बसलेली असताना भूक मिटवण्यासाठी चटकन होणारी ही भेळ बनवचा येईल.

साहित्य

• मिक्स फरसाण - अर्धा कप

• भाजलेले शेंगदाणे - अर्धा कप

• कांदे - १

• टोमॅटो - १

• हिरवी मीरची - १-२

• चिंचेची चटणी - १ टेबल स्पून

• पुदिना - ७-८ पाने

• चिरलेली कोथिंबीर - २ टेबल स्पून

• चाट मसाला - अर्धा टी स्पून

• लाल तिखट - पाव टी स्पून

• काळे मीठ - चवीप्रमाणे

• लिंबाचा रस - १ टी स्पून

• सरसो तेल - १ टी स्पून

• डाळिंबाचे दाणे - २ टेबल स्पून

• मिठ - चवीनुसार

कृती

पहिले मीडियम आचेवर कढई गरम करावी. यात शेकगदाणे टाकून भाजून घ्यावे. नंतर बाजूला काढून त्याचे साल काढून टाकावे. त्यानंतर कांदे, हिरवी मिरची, टोमॅटो बारीक चिरून घ्यावे. एका मोठ्या भांड्यात मिक्स फरसाण टाकावे आणि सर्व सामग्री एकत्र करावी. झाली तयार झटपट पीनट भेळ.