Pickle Making Tips : लोणचे बनवण्यासाठी कोणते तेल वापरावे म्हणजे लोणचे टिकेल?

Pickle Making Tips : उन्हाळा आला की आई घरात भरपूर लोणचे बनवून ठेवते. मात्र काही काहींना हे लोणचे टिकावायचे कसे ते अजूनही माहिती नाही. काही जण सरसोचे तर काही जण फल्लीचे तेल लोणच्यात टाकतात. चला तर लोणच्यासाठी नेमके कोणते तेल वापरावे ते जाणून घेऊया.

लोणचे बनवण्यासाठी वापरण्यात येणारे उत्तम तेल म्हणजे मोहरीचे तेल! हे केवळ सर्व घटकांचे स्वाद वाढविण्यात मदत करत नाही तर ते त्याच्या आरोग्य फायद्यांसाठी देखील ओळखले जाते. भाज्यांसाठी आणि बऱ्याच गोष्टींसाठी मोहरीच्या तेलाचा वापर केला जातो. त्याचे कोणतेही तोटे शरीराला नाही.

मोहरी तेलाचे फायदे

हे तेल मोनोअनसॅच्युरेटेड फॅटी ऍसिडने भरलेले आहे जे शरीरातील कोलेस्ट्रॉल कमी करते, हृदयाचे आरोग्य चांगले ठेवते. तसेच त्याच्या अँटी-बॅक्टेरियल आणि अँटी-व्हायरल गुणधर्मांमुळे प्रतिकारशक्ती वाढवते आणि पचन तसेच हे तेल श्वसनमार्ग स्वच्छ करण्याचा एक उत्तम नैसर्गिक मार्ग आहे.

मोहरीचे तेल हे खराब ठिसूळ नखांसाठी आणि ड्राय हेअरसाठीही वापरले जाते. मात्र अनेकांना हे माहिती नाही. व्हिटॅमिन ई समृद्ध, मोहरीच्या तेलाचा वापर सुरकुत्या आणि बारीक रेषा कमी करण्यासाठी आणि सनस्क्रीन म्हणून केला जातो.

मोहरीचे तेल व्हिटॅमिन ए, डी, ई आणि के ने भरलेले असते, त्यामुळे केस सुंदर आणि लांब दिसण्यासाठी या तेलाचा वापर करावा. (food)

तेव्हा इतर तेलांच्या तुलनेत लोणच्यासाठी मोहरीचे तेल वापरल्यास ते आरोग्यासाठीही चांगले असते आणि लोणचेही दीर्घकाळ टिकते.

डिस्क्लेमर - वरील लेख सामान्य माहितीवर आधारलेला असून अधिक माहितीसाठी तज्ज्ञांचा सल्ला घ्यावा.