नाशिक : श्रीराजे छत्रपती सामाजिक सांस्कृतिक कला क्रीडा मंडळातर्फे २०१३ मध्ये देशातील एकमेव तांब्याची सहा फुटी गणेशमूर्ती साकारण्यात आली. मुस्लिम कारागिरांकडून तयार करण्यात आलेली ही मूर्ती शहराच्या वैभवात भर पाडणारी ठरली आहे.
जुनी तांबटलेन येथील श्रीराजे छत्रपती सामाजिक सांस्कृतिक कला क्रीडा मंडळाच्या पदाधिकाऱ्यांकडून २००६ साली अशा प्रकारची आगळीवेगळी मूर्ती तयार करण्याचा संकल्प केला होता. २०१३ मध्ये संकल्प पूर्णत्वास आला. मंडळाचे अध्यक्ष गणेश बर्वे त्यांचे कुटुंबीयांसह मंडळाच्या अन्य पदाधिकाऱ्यांनी स्वखर्चातून एकमेव तांब्याची मूर्ती साकारण्याचा इतिहास घडविला.
मूर्तीची विशेषतः म्हणजे देशातील एकमेव तांब्याची श्री लक्ष्मी गणेश मूर्ती आहे. मूर्तीची उंची सहा फूट असून, पूर्णपणे तांब्याने भरीव आहे. १ हजार किलो वजन आहे. इतकेच नाही तर पाच ते सहा मुस्लीम कारागिरांकडून पाच महिन्याच्या कालावधीत मंडळाच्या पदाधिकाऱ्‍यांच्या संकल्पनेला मृत स्वरूप दिले. गणेशोत्सव काळात शहराच्या विविध भागातील भाविक दर्शनासाठी येत असतात.
वेगळे काही करण्याच्या संकल्पनेने तांब्याची गणेशमूर्ती तयार करण्याचा संकल्प करण्यात आला होता. यशस्वीरीत्या देशातील एकमेव तांब्याची मूर्ती बनवण्याचा संकल्प पूर्ण केल्याचे समाधान वाटते.
- गणेश बर्वे, मंडळाचे अध्यक्ष
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
