मुंबई: लालबागचा राजा (lalbaugh raja) मंडळातील कार्यकर्त्यांना काल रात्री मंडपातून (remove Volunteers) पोलिसांनी बाहेर काढलं. लालबागच्या राजाच्या मंडपात मंडळाचे पन्नास कार्यकर्ते जागरण करत होते. त्या जागरण करणार्‍या कार्यकर्त्यांना पोलिसांनी बाहेर काढलं. या संदर्भात मंडळाचे पदाधिकारी आणि पोलीस प्रशासन यांच्या मध्ये पुन्हा एकदा चर्चा सुरू झालेली आहे.
लालबागच्या आजूबाजूच्या परिसरामध्ये राहणाऱ्या रहिवाशांना आपल्या घरी जाण्यासाठी खूप फिरून जावं लागतं आहे. त्यामुळे लोकांना खूप मोठा मनस्ताप सहन करावा लागत आहे. त्यातून काय मार्ग काढता येईल, या संदर्भात पोलीस प्रशासन आणि मंडळाचे कार्यकर्ते यांच्यात आपसात चर्चा सुरू आहे.
कालही जगभरातील कोट्यवधी भाविकांचे श्रद्धास्थान असलेल्या 'लालबाग राजा'च्या (lalbaugh raja) प्राणप्रतिष्ठापना पूजेस विलंब झाला होता. लालबागच्या राजाची स्थापना करणारे स्थानिक व्यापारी (local traders) आणि दुकानदारांना पोलिसांनी नोटीस पाठवून त्यांची दुकानं बंद (shops close) केली होती. त्यामुळे वाद झाला होता.
लालबागच्या राजाच्या प्रत्यक्ष दर्शनाला पोलिसांनी बंदी घातली आहे. त्यामुळे बाहेरून कोणी भावीक लालबागमध्ये येणार नाही. मग स्थानिक रहिवाश्यांची दुकानं का बंद करण्यात आलीत, असा प्रश्नं लालबाग मार्केट मधील रहिवाशी विचारत होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
