सबस्क्राईब करा
Ganesh Chaturthi 2023 : गणेश चतुर्थीनिमित्त भाविक बाप्पाला त्याच्या आवडत्या मोदकांसह अन्य गोडधोड पदार्थांचाही नैवेद्य दाखवतात. गणेश चसतुर्थीपासून पुढील दहा दिवस भाविक बाप्पाची मनोभावे सेवा करतात. यानिमित्ताने प्रत्येकाच्याच घराघरांत पंचपक्वान्न शिजवले जातात. या सणामध्ये सर्वांकडूनच दिवसभरात कित्येकदा मिठाई, तेलकट-तुपकट पदार्थांचे मोठ्या प्रमाणात सेवन होत असते.
त्यात मोदकासारख्या स्वादिष्ट गोड पदार्थ खाण्यास नकार देतील, अशा व्यक्ती संख्येनं फार कमीच सापडतील. पण फिटनेसप्रेमी गोडधोड पदार्थ खाणे टाळतातच. अशा लोकांसाठी आपण खास हेल्दी मोदक तयार करू शकता. जाणून घेऊया सोपी रेसिपी.
सामग्री : सुके अंजीर - सहा, खजूर - आठ, बदाम - १५ ते १७, अक्रोड - एक चमचा, शेंगदाणे- १२ ते १३, पिस्ता - पाच ते सहा, काजू - नऊ ते १०, तीळ - एक चमचा, चारोळी - एक चमचा, खसखस - एक चमचा, किसलेले ओले खोबरे - एक चमचा, तूप - एक चमचा, मनुके - १०, जर्दाळु - पाच, वेलची पावडर - एक चमचा
अंजीर व खजूर वेगवेगळ्या बाऊलमध्ये दोन तासांसाठी भिजत ठेवा.
वरील सर्व ड्राय फ्रुट्स व्यवस्थित भाजून घ्या.
यानंतर सर्व सामग्री मिक्सरमध्ये वाटून त्याची पावडर तयार करावी.
ही पावडर वेगळ्या प्लेटमध्ये काढून घ्या.
यानंतर भिजत ठेवलेले खजूर व अंजीर देखील मिक्सरमध्ये वाटून घ्या.
किसलेले ओले खोबरे देखील तुपात भाजून घ्यावे.
यानंतर वरील सर्व सामग्री एकजीव करा व वेलची पूड देखील मिक्स करावी. खजूर व अंजीरमुळे या मोदकांमध्ये साखर किंवा गूळ मिक्स करण्याची आवश्यकता नाही.
मिश्रण तयार झाल्यानंतर मोदकाच्या साच्यामध्ये सारण भरावे व हलका दाब देऊन मोदक तयार करून घ्या.
तयार झाले आहेत हेल्दी मोदक.
Content Credit Instagram @avikkicookingtales/sandhyas.corner
डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
