Ganesh Chaturthi 2024 : श्रींच्या आगमनाची चाहूल, बाजारातील दुकाने सजली.!

Ganesh Chaturthi 2024 : सर्वांच्या लाडक्या बाप्पाच्या आगमनाला केवळ चार दिवस उरले आहेत. घरोघरी स्थापनेची लगबग सुरू झाली आहे. शनिवारी होत असलेल्या गणेशस्थापनेचा उत्साह बाजारातही संचारला आहे. सजावटीपासून तर वस्त्रालंकाराची दुकाने सजल्याने महाल, इतवारी, बर्डी आदी बाजारपेठांमध्ये नवे चैतन्य निर्माण झाले आहे. .गणेशमूर्तीसाठी प्रसिद्ध असलेल्या चितारओळीत सध्या सर्वात जास्त लगबग दिसून येत आहे. गणेशमंडळांच्या मूर्तीची रंगरंगोटी शेवटच्या टप्प्यात असून घरगुती मूर्ती मोठ्या प्रमाणात विक्रीस उपलब्ध झाल्या आहेत. पेट्रोलचे दर वाढल्याने त्याचा परिणाम गणेशमूर्तीसह इतरही साहित्यांवर झाला आहे. असे असले तरी गणेशासोबतच तिसऱ्या दिवशी गौरीचेही आगमन होत असल्याने गणेशोत्सवात कोट्यवधींची उलाढाल अपेक्षित आहे. .गणेशोत्सवासाठी सजावटीचे अनेक पर्याय उपलब्ध झाले आहेत. रेडिमेड फुलांचे व धाग्यांच्या मखरांना सर्वाधिक मागणी आहे. ९०० रुपयांपासून तर ५ हजारांपर्यंतचे मखर बाजारात उपलब्ध आहेत. सनफ्लॉवर, ब्लॉसम, ऑर्गेन्झा, ऑर्चिड, लीफस्टिक आदी प्लॅस्टिक फुलांसह विविधरंगी ओढण्याचा उपयोग करून तयार होणारे हे मखर उघडून ठेवता येत असल्याने वापरणे सोयीचे जाते..Ganesh Chaturthi Floral Decoration : गजानना श्री गणराया.! यंदाच्या गणेश चतुर्थीला फुलांच्या मदतीने करा, बाप्पांची आकर्षक सजावट.विविधरंगी प्रकाशमाळा विक्रीलागणेशोत्सवात सजावटीमध्ये विविधरंगी प्रकाशमाळांची मोठी मागणी असते. बाजारात २० रुपयांपासून तर ५०० रुपयांच्या सिरीज उपलब्ध आहे. सोबतच चेहऱ्यावर थेट प्रकाश सोडणारे एलईडी लाईट, गोल फिरणारे विविधरंगी लाईटची मागणी होत असल्याचे विक्रेते सांगतात..वस्त्रालंकृत श्रीगणेशाचे आकर्षणगणेशमूर्तीत नवीन काय याचाही शोध अनेक जण घेत असतात. चितारओळीत विविधरंगी सोवळे, फेटा, पगडी, शेला परिधान केलेल्या श्रींच्या आकर्षक मूर्ती सध्या सर्वांचे लक्ष्य वेधून घेत आहेत. या मूर्तींची सुरुवातच ३ हजारांवर असून १० ते १५ हजारांपर्यंत सजावट केलेल्या मूर्ती विक्रीस उपलब्ध असल्याचे विक्रेते धनंजय दुसाने सांगतात..सकाळी ११.०३ ते दुपारी १.३४ पर्यंत शुभ मुहूर्त हिंदू पंचागानुसार गणेश चतुर्थीचा शुभ मुहूर्त हा २ तास ३१ मिनिटांचा असणार आहे. परंतु हा संपूर्ण दिवस चांगला असल्याने गणेश स्थापना कधीही करता येऊ शकते. गणेश चतुर्थी ही शनिवारी ७ सप्टेंबरला दुपारी ३ वाजून १ मिनिटांनी सुरू होईल आणि रविवारी ८ सप्टेंबर संध्याकाळी ५ वाजून ३७ मिनिटांनी समाप्ती होईल. गणेशमूर्ती स्थापन करण्यासाठी सकाळी ११ वाजून ३ मिनिटांपासून ते १ वाजून ३४ मिनिटांपर्यंत शुभ मुहूर्त असेल..पूजासाहित्यांनी दुकाने सजली गणेशोत्सवापासून पुढे गौरी, नवरात्री हे सण सलग येत आहेत. या पूर्ण काळात साध्या वाती, फुलवाती, अगरबत्ती, कापूर, नारळ, विड्याची पाने, सुपारी, ओटीचे साहित्य अशा विविध वस्तूंची मागणी वाढते. त्यामुळे या साहित्यांची दुकाने सजली असून त्यांचे भावही चढे असल्याचे दिसून येत आहे..Ganesh Chaturthi 2024 : मराठमोळी थोडीशी साधीभोळी..! गणेश चतुर्थीनिमित्त 'या' पद्धतीने व्हा तयार, दिसाल एकदम झक्कास.ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Ganesh Chaturthi 2024 : श्रींच्या आगमनाची चाहूल, बाजारातील दुकाने सजली.!

Related Stories