Gauri- Ganpati 2024: सोनपावलांनी आल्या गौराई, धूपदिव्यांचा साज, फुलांची दरवळ, फराळ, सुंदर आरास

Gauri- Ganpati 2024:

‘नेसला भरजरी, चोळी बदामी ल्याली,

कुरले काजळ, नाकी मोरणी ल्याली,

सोन्याच्या पावलाने महालक्ष्मी आली...’

अत्तर, धूपदिव्यांचा साज, फुलांची दरवळ, फराळ, एकाहून एक सुंदर आरास ठेवून ज्येष्ठा-कनिष्ठांचे मंगळवारी सोनपावलांनी आगमन झाले. देखणी मांडणी, उत्तम सजावट करून शहरवासीयांनी महालक्ष्मीचे विधिपूर्वक स्वागत केले. परंपरा आणि नावीन्यपूर्ण वातावरणात घरोघरी चैतन्य, मांगल्य आणि पावित्र्याचा प्रवेश झाल्यासारखे सर्वत्र मंगलमय वातावरण झाले.