Ganesh Visarjan: गणपती बाप्पाच्या मूर्तीचे घरीच 'अशा' प्रकारे करा विसर्जन, पर्यावरणाची होणार नाही हानी

Ganesh Visarjan 2024: देशभरात जल्लोषात साजरा केला जाणारा गणेशोत्सव ७ सप्टेंबर (शनिवार)ला सुरू झाला आहे. या काळात गणपती बाप्पाची मनोभावे पूजा केली जाते. बाप्पाला प्रसन्न करण्यासाठी गणरायाला आवडते मोदक, लाडू, दुर्वा आणि लाल फुल अर्पण केले जाते.

ज्या घरांमध्ये किंवा मंदिरांमध्ये गणपती बाप्पाची स्थापना केली जाते तेथील वातावरण भक्तीमय आणि प्रसन्न राहते. मात्र १० दिवसांनंतर अनंत चतुर्थीला गणपतीच्या मुर्तीचे विसर्जन केले जाते.

पण अनेक घरांमध्ये दहा दिवसांचा गणपती बसवला जात नाही. काही लोक दीड किंवा पाच दिवसांचा गणपती बसवतात आणि विसर्जन करतात. खरं तर गणपती बाप्पाचे विसर्जन नदी, तलावामध्ये केले जाते. पण पर्यावरणाची काळजी लक्षात घेता घरीच बाप्पाच्या मुर्तीचे विसर्जन करू शकता. तुम्ही घरीच बाप्पाच्या मुर्तीचे विसर्जन करत असाल तर पुढील गोष्टींचे पालन केले पाहिजेत.