नवी दिल्लीः हमासच्या विरोधात इस्राइलचं युद्ध पेटलेलं आहे. त्यातच इस्रायली लष्कर आणि रणगाडे गाझा बॉर्डरजवळ पोहोचले आहेत. कुठल्याही क्षणी सैन्याचं ग्राऊंड ऑपरेशन सुरु होऊ शकतं.
इस्रायली लष्कराच्या १ लाख सैनिकांनी गाझाला वेढा घातला असून इस्रायली रणगाडे गाझाकडे वेगाने सरकू लागले आहेत. इस्रायली सैनिक सरकारच्या आदेशाची वाट बघत असल्याची माहिती मिळत आहे. ग्राऊंड ऑपरेशनसाठी सैन्य गाझामध्ये उतरू शकतं. इस्रायलने हमासला २४ तासांचा अल्टिमेटम दिला असून २४ तासांत गाझा सोडण्यास सांगितले आहे.
सर्व पाश्चिमात्य देश इस्रायलला पाठिंबा देत आहेत. एवढंच नाही तर युद्धासाठी मदतही करत आहेत. इस्रायलने गाझामध्ये राहणाऱ्या लोकांना दक्षिणेकडील भागाकडे स्थलांतरित होण्यास सांगितले आहे. तो भाग इजिप्तची सीमा आहे आणि तुलनेने सुरक्षित मानला जातो.
गाझामध्ये हमासचे जेथे तळ आहेत, ते नष्ट केले जातील, असे इस्रायलने स्पष्ट केले आहे. इस्रायली संरक्षण दलाने (IDF) गाझामध्ये राहणाऱ्या लोकांना त्यांच्या सुरक्षिततेसाठी येथून दक्षिणेकडे जाण्याचे आवाहन केले आहे.
इस्राइल आणि हमास संघर्षाचा शुक्रवारचा सातवा दिवस आहे. दोन्ही गटांमध्ये अजूनही तुंबळ संघर्ष सुरु आहे. त्यातच हमासने ७ ऑक्टोंबर रोजी केलेल्या हल्ल्याचा एक नवा व्हिडिओ शेअर केला आहे. या व्हिडिओत हमासने दावा केलाय की, त्यांनी इस्राइली लष्करी तळावर हल्ला केलाय.
इस्राइलने केलेल्या दाव्यानुसार १२०० पेक्षा जास्त लोकांचा आतापर्यंत मृत्यू झालाय. तर २ हजारांपेक्षा अधिक लोक जखमी झाले आहेत. हमासचे जवळपास एक हजार नागरिक मारले गेल्याची माहिती आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
