ढाका : शंभराहून अधिक प्रवासी असलेल्या एका छोट्या फेरी बोटीची मालवाहतूक जहाजाला धडक बसल्याने बोट बुडून झालेल्या अपघातात २६ जणांचा मृत्यू झाला. नारायणगंज जिल्ह्यातील शितालाख्या नदीत ही घटना घडली. या घटनेनंतर तातडीने बचाव कार्याला सुरुवात झाली आणि मृतदेहांना बाहेर काढण्यात आले. विशेष म्हणजे, धडक बसल्यानंतर मालवाहतूक जहाज तिथून निघून गेले. या अपघाताची चौकशी करण्यासाठी सात सदस्यांची समिती स्थापन करण्यात आली आहे. जिल्हा प्रशासनाने मृतांच्या कुटुंबीयांना २५ हजार टंका मदत जाहीर केली आहे. मिळालेल्या माहितीनुसार, नदीमध्ये सय्यदपूर कोयला घाटाजवळ प्रवासी बोट ‘एमएल सबीत अल हसन’ आणि मालवाहतूक जहाज ‘एसकेएल-3’ यांच्यात टक्कर झाली. पोलिसांनी सांगितल्यानुसार, टक्कर दिल्यानंतर मालवाहतूक जहाज तिथून निघून गेले. स्थानिक उपायुक्त मुस्तैन बिला यांनी सांगितलं की, घटनेचा तपासासाठी अतिरिक्त जिल्हा मॅजिस्ट्रेटच्या अध्यक्षतेखाली सात सदस्यांची समिती स्थापन केली गेली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.