मीडियाचा बादशाहा वयाच्या 91व्या वर्षी घेतोय चौथ्या बायकोपासून घटस्फोट

अमेरिकेच्या मीडिया क्षेत्रातील नामवंत व्यक्तिमत्त्व असलेले रुपर्ट मरडॉक कायम कोणत्या ना कोणत्या गोष्टीवरुन चर्चेत असतात. 91 वर्षांचे असलेले रुपर्ट मरडॉक पुन्हा एकादा त्यांच्या वैवाहीक जीवनावरुन चर्चेत आले. त्यांनी आतापर्यंत चार लग्न केले. मात्र आता वयाच्या 91 व्या वर्षी ते पुन्हा एकदा त्यांच्या चौथ्या बायकोपासून घटस्फोट घेत आहे. (91 year old rupert murdoch got divorce with his fourth wife jerry hall)

मरडॉक अमेरीकेच्या मीडीया क्षेत्रातील खुप मोठे नाव आहे. अमेरिकेतील श्रीमंत व्यक्तींमध्ये त्यांची गणना केली जाते. त्यांनी 65 वर्षांची अभिनेत्री जेरी हॉल (Jerry Hall) हिच्याशी 2016 मध्ये चौथं लग्न केलं होतं. जेरी हॉल 26 वर्षांनी मरडॉक पेक्षा लहान आहे आता मात्र त्यांचा घटस्फोट (Divorce) होतो आहे. त्यामुळे वयाच्या ९१ व्या वर्षी घटस्फोट घेणारे हे कदाचित पहिलेच व्यक्ती असेल. त्यामुळे हे प्रकरण विशेष चर्चेत आहे.

मरडॉकने पॅट्रिशिया बुकर हिच्याशी 1956 रोजी पहिल्यांदा लग्न केलं होतं. 11 वर्षं त्यांचं पहिलं लग्न टिकलं. पहिल्या पत्नीपासून घटस्फोट घेतल्यानंतर त्यांनी अ‍ॅना मारिया टोव हिच्याशी दुसरं लग्न केलं. 1999 पर्यंत दुसऱ्या पत्नीसोबत होते मात्र नंतर तिलाही घटस्फोट दिला. 1999 मध्ये त्यांनी वेंडी डेंग हिच्याशी तिसरं लग्न केलं. 14 वर्षांनी या दोघांनीही घटस्फोट घेतला तर यानंतर 2016 मध्ये मरडॉक यांनी जेरी हॉल हिच्याशी लग्न केलं. मात्र आता हे घटस्फोट घेतंय