वॉशिंग्टन : भारत आणि अमेरिकेने दहशतवादाविरोधात एकत्रित लढा देण्याचा निर्धार केला आहे. सर्वच दहशतवादी संघटना आणि समूह यांच्यावर कारवाई करण्याचा इशारा देतानाच सीमेपलीकडून चालणाऱ्या दहशतवादी कारवायांचाही कठोर शब्दांत निषेध करण्यात आला. मुंबईवर २६/११ रोजी भीषण हल्ला घडवून आणणाऱ्या सूत्रधारांवर कारवाई केली जावी असे मत मांडण्यात आले. भारताचे पंतप्रधान नरेंद्र मोदी आणि अमेरिकेचे अध्यक्ष ज्यो बायडेन यांच्या भेटीनंतर हे संयुक्त निवेदन प्रसिद्ध करण्यात आले. अफगाणिस्तानात सध्या सत्ताधारी बनलेल्या तालिबान्यांनी त्यांच्या भूमीचा दहशतवादी कारवायांसाठी वापर होऊ देता कामा नये असेही उभय देशांकडून बजावण्यात आले.
पाकिस्तानने दहशतवादी संघटनांविरोधात ठोस कारवाई करावी आणि मुंबईवर हल्ला करणाऱ्यांचा निवाडा करावा असे आग्रही मत मांडले. विशेष म्हणजे मागील महिन्यात भारताच्या अध्यक्षतेखाली संयुक्त राष्ट्रांच्या सुरक्षा परिषदेची बैठक पार पडली होती. या बैठकीतच अफगाणिस्तानातील दहशतवादी कारवायांना पायबंद घालण्यात यावा अशी मागणी करणारा ठराव मंजूर करण्यात आला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
