नवी दिल्ली: मागच्या दोन दिवसात उझबेकिस्तान एअर फोर्सने (Uzbekistan Air force) अफगाणिस्तानच्या ४६ विमानांना (Afghan aircraft) जबरदस्ती लँडिंग करण्यास भाग पाडले आहे. या विमानांमध्ये ५८५ सशस्त्र सैनिक (servicemen) होते. बेकायदेशीररित्या उझबेकिस्तानच्या हवाई हद्दीत (air space) शिरल्यामुळे त्यांच्यावर ही कारवाई करण्यात आली आहे. या विमानांना उझबेकिस्तानच्या विमानतळांवर उतरवण्यात आले.
अफगाणिस्तानात रविवारी सरकार कोसळलं. तालिबानी दहशतवाद्यांनी राजधानी काबूलवर नियंत्रण मिळवलं. तेव्हापासूनच अफगाणि नागरिक आणि सैनिक देश सोडून जात आहेत. रविवारी अफगाणिस्तानच्या लष्करी जेट विमानाने उझबेकिस्तानच्या हवाई हद्दीत प्रवेश केल्यानंतर ते विमान पाडण्यात आलं. उझबेकिस्तानच्या संरक्षण मंत्रालयाने दुसऱ्या स्टेटमेंटमध्ये ही माहिती दिली आहे.
"उझबेकिस्तानच्या हवाई सुरक्षा पथकाने अफगाणिस्तानच्या लष्करी विमानांचा बेकायदरित्या प्रवेश करण्याचा प्रयत्न हाणून पाडला" असे रॉयटर्सने संरक्षण दलाचे प्रवक्ते बाहरोम झुलफीकोरोव्ह यांच्या हवाल्याने म्हटले आहे. सीमा ओलांडून आलेल्या ८४ अफगाणि सैनिकांना ताब्यात घेतल्याचं उझबेकिस्तानने रविवारी सांगितलं.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
