![Aircraft](http://media.assettype.com/esakal%2F2024-06%2F37df6a72-0c99-4ac1-b3ed-879a04595fa2%2FKartik_Pujari___2024_06_11T081837_908.jpg?w=480&auto=format%2Ccompress&fit=max)
नवी दिल्ली- इराणच्या अध्यक्षांच्या हेलिकॉप्टर अपघाताची घटना ताजी असतानाच दक्षिणपूर्ण आफ्रिकेतील देश मलावी (Malawi) मध्ये उपराष्ट्रपतींचे एअरक्राफ्ट बेपत्ता झाल्याची माहिती मिळत आहे. मलावीच्या राष्ट्रपती ऑफिसने यासंदर्भातील माहिती दिली आहे. एअरक्राफ्टमधील उपराष्ट्रपती सौलोस क्लॉस चिलिमा (Saulos Klaus Chilima) यांच्यासह ९ जण बेपत्ता आहेत. त्यामुळे चिंता व्यक्त केली जात आहे.
राष्ट्रपती ऑफिस आणि कॅबिनेटने यासंदर्भातील माहिती देताना सांगितलं की, 'एअरक्राफ्ट रडारवरुन गायब झाले होते. त्यानंतर विमान उड्डाण अधिकाऱ्यांकडून विमानाशी संपर्क करण्याचा प्रयत्न सुरु झाला आहे. पण, यात अद्याप यश आलेलं नाही. बचावपथक शोध घेण्यासाठी पाठवण्यात आलं आहे.'
माहितीनुसार, ५१ वर्षीय चिलिमा मलावी लष्कराच्या एअरक्राफ्टमध्ये होते. स्थानिक वेळेनुसार सकाळी ९.१७ च्या सुमारास राजधानी लिलोंग्वे येथून एअरक्राफ्टने उड्डाण केले होते. भारतीय वेळेनुसार १२ वाजून ४५ मिनिटाला ही घटना घडली. सरकारकडून देण्यात आलेल्या माहितीनुसार, शोध आणि बचाव मोहीम सुरू करण्यात आली आहे.
चिलिम यांच्यावर २०२२ मध्ये एका ब्रिटिश-मलावी उद्योगपतीकडून पैसे घेतल्याचा आरोप झाला होता. त्यानंतर त्यांना अटक करण्यात आली होती. शिवाय त्यांचे अधिकार काढून घेण्यात आले होते. त्यांच्यावर भ्रष्टाचाराचे आरोप करण्यात आले होते. दरम्यान, चिलिमा यांच्या एअरक्राफ्टबाबत अद्याप काहीही माहिती मिळालेली नाही.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.