वॉशिंग्टन: भारताला रशियाकडून S-400 एअर डिफेन्स सिस्टिम खरेदी करण्याची सवलत द्यावी. त्यांना निर्बंधांच्या माध्यमातून रोखू नका. अमेरिकेच्या (america) दोन प्रभावशाली सिनेटर्सनी (senators) राष्ट्राध्यक्ष जो बायडेन (jo biden) यांना पत्र लिहून ही विनंती केली आहे. भारताला अशी सवलत देण्यामध्येच अमेरिकेचं राष्ट्रीय हित आहे, असं या सिनेटर्सच म्हणणं आहे.
जॉन कॉर्निन आणि मार्क वॉर्नर या दोन सिनेटर्सनी जो बायडेन यांना पत्र लिहून भारताला 'काउंटरिंग अमेरिकाज अ‍ॅडव्हरसरिज थ्रू सँक्शन्स अ‍ॅक्ट' म्हणजे ‘कॅट्सा’ कायद्यातून सवलत देण्याची विनंती केली आहे. ‘कॅट्सा’ कायद्यातंर्गत रशियाकडून शस्त्रास्त्र खरेदीवर अमेरिकेने निर्बंध घातले आहेत. टाइम्स ऑफ इंडियाने हे वृत्त दिले आहे.
भारताने रशियाकडून शस्त्रास्त्र खरेदी कमी केल्याचा मुद्दाही या सिनेटर्सनी मांडला आहे. वास्तवात भारत आजही मोठ्या प्रमाणावर रशियन शस्त्रास्त्रांवर अवलंबून आहे. पण त्याचवेळी भारताने अमेरिकेकडूनही शस्त्रास्त्र खरेदी सुरु ठेवली आहे. P 8 आय बोईंग तसचं प्रडिएटर ड्रोन ही विमान भारत अमेरिकेकडून खरेदी करण्यास उत्सुक आहे.
एस-४०० किती घातक आहे?
एस-४०० ही सध्याची अत्याधुनिक एअर डिफेन्स सिस्टिम आहे. ही यंत्रणा एस-३०० चे अत्याधुनिक रुप आहे. चारशे किलोमीटरपर्यतच्या परीघांत येणारी क्षेपणास्त्र आणि पाचव्या श्रेणीतील फायटर विमानं पाडण्याची क्षमता या क्षेपणास्त्रात आहे. एस-४०० हे सुरक्षा कवचाचे काम करेल. पाकिस्तान आणि चीन यांच्या अण्विक क्षमता असलेल्या क्षेपणास्त्रापासून भारताचे संरक्षण करण्याचे काम ही यंत्रणा करेल. ही यंत्रणा एकाचवेळी ७२ क्षेपणास्त्रांचा मारा करु शकते.
एस-४०० क्षेपणास्त्र अमेरिकेचे अत्याधुनिक लढाउ विमान जेट एफ-३५ ला देखील पाडू शकते. त्याचवेळी ३६ अण्विक क्षमता असलेल्या क्षेपणास्त्राला देखील नष्ट करु शकते. चीन, तुर्कस्थाननंतर ही यंत्रणा खरेदी करणारा भारत तिसरा देश आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
