अ‍ॅमेझॉनचे मुख्य कार्यकारी अधिकारी अँडी जॅसी यांनी कर्मचारी कपात होणार असल्यावर शिक्कामोर्तब केलं आहे. या कपातीचा फटका १८ हजारहून अधिक कर्मचाऱ्यांना बसणार असून यामध्ये भारतातल्याही अनेक कर्मचाऱ्यांचा समावेश असल्याचं जॅसी यांनी सांगितलं.
गेल्या काही दिवसांमध्ये समोर आलेल्या अहवालांनुसार, अ‍ॅमेझॉन भारतातल्या विविध शाखांमधल्या साधारण १००० कर्मचाऱ्यांना कामावरुन कमी करू शकते. अ‍ॅमेझॉनने जगभरातल्या आपल्या सर्वच शाखांमधून कर्मचारी कपातीला सुरुवात केली आहे. या कपातीचा फटका बसलेल्या कर्मचाऱ्यांशी कंपनी १८ जानेवारीनंतर संवाद साधेल, असं जॅसी यांनी म्हटलं आहे.
या कंपनीतून काढून टाकण्यात आलेल्या अनेक कर्मचाऱ्यांनी लिंक्डइन आणि ट्विटरचा आधार घेतला आहे. आपल्याला कामावरुन कमी करण्यात आल्याचं त्यांनी पोस्ट करत सांगितलं आहे. इंडिया टुडेने दिलेल्या माहितीनुसार, कमी करण्यात आलेल्या कर्मचाऱ्यांमध्ये फ्रेशर्स आणि अनुभवी दोन्ही प्रकारच्या कर्मचाऱ्यांचा समावेश आहे.
अ‍ॅमेझॉनकडून कर्मचाऱ्यांना कामावरुन काढून टाकल्याचा इमेल करण्यात आला आहे. या कपातीबद्दल अधिक माहिती घेण्यासाठी आपल्या टीमच्या प्रमुखाला भेटण्याचंही मेलमध्ये सांगण्यात आलं आहे. या मेलमध्ये कर्मचाऱ्यांना ५ महिन्यांचा पगार मिळणार असल्याचंही सांगितलं आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.