'या' भारतीय शीख महिलेनं 218 वर्षांनंतर अमेरिकन लष्कराचा बदलला इतिहास

Anmol Narang : तुम्हाला अनमोल नारंग माहितीय? अनमोल नारंग ही भारतीय वंशाची मुलगीय. जिनं अमेरिकेच्या 218 वर्षांच्या लष्करी इतिहासात सुवर्ण अक्षरांनी आपलं नाव कोरलंय. अनमोल ही वेस्ट पॉइंट येथील प्रतिष्ठित यूएस मिलिटरी अकादमीमधून (U.S. Military Academy) पदवी प्राप्त करणारी पहिली शीख महिला आहे. अनमोलचा जन्म अमेरिकेतील (America) रोझवेल (जॉर्जिया) येथे झाला, तर तिचे कुटुंबीय भारतीवंशाचे आहेत.

नारंगचा जन्म अमेरिकेतील रोझवेल (जॉर्जिया) येथे झाला आणि तिथेच ती मोठी झाली. तिच्या पहिल्या पिढीतील सदस्य भारत सोडून अमेरिकेला स्थायिक झाले आणि तेथेच त्यांनी राहण्याचा निर्णय घेतला. अनमोलला सैन्यात भरती व्हायचं होतं. त्यामुळं तिनं आपल्या कुटुंबीयांसह होनूलूलू येथील पर्ल हार्बर राष्ट्रीय स्मारक गाठलं आणि वेस्ट पॉईंटमध्ये अर्जही केला. वेस्ट पॉइंट येथे यूएस मिलिटरी अकादमी आहे. गेल्याच वर्षी जूनमध्ये पदवी प्राप्त केलेली नारंग सध्या ओकलाहोमातील बेसिक ऑफिसर लीडरशिप कोर्स पूर्ण करुन जपानच्या ओकिनावा येथील अमेरिकन एअरबेसवर आपली भूमिका बजावत आहे.

नारंगला एअर डिफेन्स सिस्टिम्समध्ये करिअर करायचंय. अमेरिकन लष्कराच्या इतिहासात 218 वर्षानंतर एका बिगर अमेरिकन महिलेला इतका उच्च दर्जा मिळालाय. अनमोल नारंगनं अमेरिकन सैन्याचा इतिहास मोडीत काढत मोठी कामगिरी केलीय. न्यूयॉर्क टाइम्सच्या एका अहवालानुसार, अमेरिकन सैन्यात वर्णभेदाचा प्रभाव 1925 नंतर खूपच वाढला होता. लष्कराचे बहुतेक अधिकारी पद हे एका विशिष्ट वर्गाकडं होतं. मात्र, नारंगच्या बढतीमुळं अमेरिकेतील लष्कराचा इतिहास बदला गेलाय. अनमोल नारंग ही कुटुंबातील पहिलीच सैनिक नाही, तर तिचे आजोबा देखील भारतीय लष्करात सैनिक होते. नारंगनं माध्यमांशी बोलताना सांगितलं होतं, की ती लहानपणापासूनच आजोबांशी प्रेरित होती. आजोबांकडून प्रेरणा घेऊनच तिनं लष्करी क्षेत्रात पाऊल ठेवलं, असं तिनं सांगितलं. अमेरिकेत अमेरिकन काँग्रेसनं 1987 साली कायदा केला. ज्यामध्ये सैन्यातील शीख आणि इतर अनेक धार्मिक समुदायांना सैन्यात भरती करण्यावर बंदी घातली होती.