अमेरिकेतील बंदूक संस्कृती लोकांसाठी एक अरिष्ट बनत आहे. शाळा, उद्याने, शॉपिंग मॉल्स, रेस्टॉरंट्स आणि हॉस्पिटलमध्येही लोक सुरक्षित नाहीत. दरम्यान, जॉर्जिया हायस्कूलमध्ये झालेल्या गोळीबारात अनेक जण जखमी झाल्याची माहिती आहे. गोळीबार करणाऱ्या संशयिताला ताब्यात घेण्यात आले आहे. याबाबतची माहिती शेरीफ कार्यालयाकडून देण्यात आली आहे. गोळीबारात जखमी झालेल्या लोकांना स्थानिक रुग्णालयात दाखल करण्यात आले आहे. गोळीबार का करण्यात आला याबाबत अद्याप कोणतीही माहिती मिळालेली नाही.