लोकसंख्या वाढवण्यासाठी 'या' शहरात दिल्या जाताहेत मोफत जमिनी

आपल्या भारत (India) देशात लोकसंख्या झपाट्यानं वाढत आहे. मात्र, असे काही देश आहेत, जिथं परिस्थिती खूपचं वेगळीय. अलीकडच्या काही दिवसांत ऑस्ट्रेलियाच्या (Australian town Quilpie) क्विल्पी शहरातून एक अनोखं प्रकरण समोर येतंय. येथील लोकसंख्या खूपच कमीय. आकडेवारीनुसार, क्विल्पी शहराची लोकसंख्या केवळ 800 इतकी आहे. अशा स्थितीत लोकसंख्या वाढवणं येथील प्रशासनासमोर एक मोठं आव्हान बनलंय. इथल्या स्थानिक प्राधिकरणानं (Local Authority) लोकसंख्या वाढवण्यासाठी लोकांना मोफत जमीन देण्याचं जाहीर केलंय.

द न्यू इंडियन एक्स्प्रेसच्या वृत्तानुसार, ऑस्ट्रेलियाच्या क्विल्पी शहरात खूप कमी लोक राहतात. अशा स्थितीत येथील स्थानिक प्राधिकरण लोकांचा बंदोबस्त करण्याचा प्रयत्न करतंय. एवढंच नाही, तर येथे अनेक कामगारांचीही गरज आहे. स्थानिक प्राधिकरण येथील नागरिकांना भत्ता देण्याच्या विचारात आहे. पण, अट अशी आहे की नागरिक ऑस्ट्रेलियाचा असावा.

क्विल्पी सिटी कौन्सिलनं (Quilpie City Council) शहरातील लोकसंख्येचा अभाव दूर करण्यासाठी अशी ऑफर दिलीय. पश्चिम क्वीन्सलँड राज्याच्या या भागाला लोकसंख्येच्या अभावामुळे पशुपालन आणि मेंढीपालनाशी संबंधित नोकऱ्या भरण्यात अडचणी येत आहेत. नगरपरिषदेला अजिबात अपेक्षा नव्हती, की शहरातील लोक मोकळ्या जमिनीच्या आमिषानं घरं बांधण्यासाठी येतील. परंतु, दोन आठवड्यांपेक्षा कमी कालावधीत, संपूर्ण ऑस्ट्रेलिया आणि परदेशातील 250 हून अधिक लोकांनी मोकळ्या जमिनीची चौकशी केलीय.