सबस्क्राईब करा
Bangladesh politics: बांगलादेशमध्ये उद्भवलेल्या हिंसाचारानंतर शेख हसीना यांनी आपल्या पंतप्रधान पदाचा राजीनामा दिला. हसीना यांच्या शासकीय निवासस्थानामध्य्ये आंदोलक घुसल्यानंतर त्यांनी तेथून पळ काढला होता. लष्कराच्या हेलिकॉप्टरने त्या निसटल्या. त्याचा व्हिडीओ समोर आला असून व्हायरल झाला आहे.
मागच्या काही महिन्यांपासून बांगलादेशमध्ये आरक्षणावरुन हिंसाचार उफाळून आलेला आहे. त्यातच शेख हसीना यांनी आंदोलकांना उद्देशून रझाकार शब्द उच्चारला. त्यामुळे आंदोलन आणखी पेटले. आतापर्यंत या आंदोलनामध्ये तिनशेपेक्षा जास्त जणांचा मृत्यू झाला आहे. तर सोमवारी सहा जणांचा मृत्यू झाला.
आंदोलकांनी सोमवारी पंतप्रधानांच्या निवासस्थानाकडे कूच केली. लष्काराने यूपर्वीच भूमिका स्पष्ट करत आंदोलकांवर गोळीबार करणार नसल्याचं म्हटलं होतं. त्यामुळे सुरक्षा गमावलेल्या शेख हसीना यांना धोक्याची जाणीव झाली होती. आंदोलकांनी हसीना यांच्या निवासस्थानी जात जाळपोळ सुरु केली.
आंदोलक येत असल्याची कुणकुण लागल्यानंतर शेख हसीना यांनी बहिणीला सोबत घेऊन हेलिकॉप्टरने निवासस्थान सोडलं. पुढे त्यांनी भारताकडे कूच केली. त्यापूर्वी त्यांनी आपल्या पंतप्रधान पदाचा राजीनामा दिला. लष्करप्रमुख वकार-उझ-झमान यांनी याबाबत माहिती दिली.
''आम्ही देशामध्ये सरकार स्थापन करणार आहोत.. मी सर्व जबाबदारी घेत आहे.. कुणावरही गोळीबार होणार नाही की देशामध्ये कर्फ्यू लागणार नाही.'' अशी माहिती त्यांनी प्रसारमाध्यमांद्वारे दिली. त्यामुळे बांगलादेशमध्ये सध्यातरी लष्करी राजवट येईल, असं दिसून येतंय. दुसरीकडे भारतात आलेल्या शेख हसीना दिल्लीत वास्तव्याला असतील, अशी शक्यता आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
