लंडन : ब्रिटनचे पंतप्रधान बोरिस जॉन्सन (Boris Johnson) हे पुन्हा एकदा चर्चेत आले आहेत. एका अमेरिकेतील उद्योजक महिलेने त्यांच्यावर गंभीर आरोप केले आहेत. जॉन्सन यांच्या लग्नानंतरही त्यांनी तिच्याशी अनेकदा शारीरिक संबंध ठेवले होते.
जेनिफर अर्करी असं या उद्योजिकेचं नाव आहे. जेनिफर ही जॉन्सन यांच्यापेक्षा २१ वर्षांनी लहान आहे. जेनिफरच्या आरोपानंतर या प्रकरणी जॉन्सन यांची चौकशी सुरू झाली आहे. २०१२ ते २०१६ या दरम्यान जेनिफर आणि जॉन्सन हे एकमेकांना डेट करत होते. त्यावेळी जॉन्सन हे लंडनचे महापौर होते. तसेच त्यांचे मरिना व्हीलरशी लग्न झाले होते.
'द मिरर'ला दिलेल्या मुलाखतीत जेनिफरने म्हटले आहे की, मी ज्या व्यक्तीस ओळखत होते, तो सध्या अस्तित्वातच नाही. २०१९मध्ये जेव्हा दोघांमधील नातं जगासमोर आलं तेव्हा जॉन्सन यांनी काहीही मदत केली नाही, असा आरोप जेनिफरने केला आहे.
जेनिफर पुढे म्हणाली की, २०११मध्ये एका कार्यक्रमात त्यांची भेट झाली होती. आणि २०१२ मध्ये होणाऱ्या महापौरपदाच्या पोटनिवडणुकीत वॉलंटियर म्हणून काम केले होते. लंडनमधील त्यांच्या फ्लॅटमध्येच दोघांनी लैंगिक संबंध ठेवले होते. शारीरिक आणि बौद्धिकदृष्ट्या ते एकमेकांकडे आकर्षित झाले होते.
लंडनमधील एका रेस्टॉरंटमध्ये जॉन्सन यांनी डेट करण्याबाबत विचारणा केली होती. २०१२च्या लंडन पॅरालिंपिक स्पर्धेच्या उद्घाटनापूर्वी शोरेडिट फ्लॅटमध्ये जॉन्सन यांच्यासोबत लैंगिक संबंध केल्याचे जेनिफरने म्हटले आहे. ते एकमेकांना अश्लिल फोटो पाठवायचे तसेच जॉन्सन ड्युटीवर असतानाही अशा प्रकारचे फोटो पाठवायचे. जेनिफर जॉन्सन यांच्या प्रेमात आकंठ बुडाली होती त्यामुळे तिने तिचे टॉपलेस फोटो पाठवले होते. आम्ही ज्या फ्लॅटमध्ये राहायचो, तिथे डान्स पोलसुद्धा होता, असंही जेनिफरने म्हटले आहे.
- जगभरातील बातम्या वाचण्यासाठी येथे ► क्लिक करा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.