कॅनडातील ट्रक चालक आक्रमक झाले असून त्यांनी देशव्यापी आंदोलन सुरु केलंय.
कोविड काळात (Covid Rule) लादलेली निर्बंधं मागं घेण्यासाठी सुरू असलेली निदर्शनं संपवण्याकरता कॅनडानं आणीबाणीची घोषणा केलीय. कॅनडाचे पंतप्रधान जस्टिन ट्रुडो (PM Justin Trudeau) यांनी देशात आणीबाणी कायदा लागू केलाय. न्यूज एजन्सी एएनआयच्या वृत्तानुसार, कॅनडाचे (Canada) पंतप्रधान जस्टिन ट्रूडो यांनी कोविड राजवटीविरोधातील निदर्शनं संपवण्यासाठी संसदेत आपत्कालीन कायद्याची मागणी केलीय.
पंतप्रधान ट्रूडो यांनी सोमवारी सांगितलं की, देशात आणीबाणी कायदा लागू करत आहोत. कारण, कॅनडातील ट्रक चालक आक्रमक झाले असून त्यांनी देशव्यापी आंदोलन सुरु केलंय. आमची अर्थव्यवस्था पूर्णपणे जनतेच्या सुरक्षेवर अवलंबून आहे. त्यामुळं आम्ही बेकायदेशीर आणि धोकादायक आंदोलनाला परवानगी देऊ शकत नाही, असं त्यांनी नमूद केलंय.
कोविडशी संबंधित निर्बंधांविरोधात कॅनडात निदर्शनं सुरु आहेत. कॅनडाच्या राजधानीसह अनेक शहरांत आंदोलनं होत आहेत. राजधानी ओटावामधील अनेक भाग ठप्प झाले आहेत. ओटावा येथे 50 हजारांहून अधिक ट्रक चालक निदर्शनं करत आहेत. दरम्यान, आंदोलक पंतप्रधान जस्टिन ट्रुडो यांच्या राजीनाम्याचीही मागणी करत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
