चीनची अर्थव्यवस्था धोक्यात; 'हे' आहे त्यामागील मोठे कारण

चीन : चीनच्या आर्थिक विकासाच्या वेगाचे पाश्चिमात्य देशांना अनेक दशकांपासून आश्चर्य वाटले आहे. परंतु अलिकडच्या काही महिन्यांत चीनी अर्थव्यवस्थेत सर्व काही ठीक नसल्याची चिन्हे आहेत.

कंपन्यांचे कर्जावरील अवलंबित्व कमी करण्यासाठी, चीन सरकारने गेल्या वर्षी एक नवीन कायदा केला, ज्याचा परिणाम देशातील दुसऱ्या क्रमांकाची रिअल इस्टेट डेव्हलपमेंट कंपनी एव्हरग्रांडेवर झाला. कंपनी दिवाळखोरीच्या उंबरठ्यावर आहे आणि घर खरेदीदार त्यांचे पैसे परत करण्याची मागणी करत आहेत.

जर कंपनी बुडाली तर अर्थव्यवस्था डळमळीत होईल आणि त्याचा परिणाम सकल देशांतर्गत उत्पादनावर (जीडीपी) देखील होईल. देशाच्या जीडीपीचा एक चतुर्थांश भाग रिअल इस्टेट उद्योगातून येतो.

परंतु याक्षणी सरकारपुढे आणखी एक मोठे आव्हान आहे - कोळशाच्या कमतरतेमुळे निर्माण झालेल्या वीज संकटामुळे उत्पादन कमी होत आहे, ही चिंतेची बाब आहे.