मास्क घालून धावत असताना फुटलं फुफ्फुस...

बीजिंग (चीन) : जगभरात कोरोना व्हायरसने धुमाकूळ घातला असून, सुरक्षित राहण्यासाठी अनेकजण मास्कचा वापर करतात. मात्र, मास्कच्या फायद्यांबरोबरच तोटेही पुढे येत आहेत. मास्क घालून धावल्यामुळे एका युवकाचे फुफ्फुस फुटल्याची घटना येथे घडली. सध्या त्याच्यावर उपचार सुरू आहेत, प्रकृती गंभीर आहे.

मनाने श्रीमंत असलेल्या भिकाऱयाची दानत मोठी...

प्रसारमाध्यमांनी दिलेल्या वृत्तानुसार, 'एक 26 वर्षीय युवक मास्क घालून धावत होता. तीन किलोमीटर धावल्यानंतर त्याच्या फुफ्फुसांवर दबाव वाढला आणि तो बेशुद्द पडला. उपचारासाठी त्याला वुहान सेंट्रल हॉस्पिटलमध्ये दाखल करण्यात आले. फुफ्फुसातील तीन महत्त्वपूर्ण शस्त्रक्रिया करण्यात आल्या असून, त्याची प्रकृती गंभीर आहे. डॉक्टरांच्या म्हणण्यानुसार, मास्क घालून धावल्यामुळे, त्याच्या डाव्या फुफ्फुसाला छिद्र पडले आणि तेथून हवा बाहेर येऊ लागली. या दाबांचा हृदयावरही परिणाम झाला आणि दबावामुळे ते डावीकडून उजवीकडे जाऊ लागले. यामुळे फुफ्फुसांचे नुकसान झाले आहे. यापूर्वी बीजिंगमध्येच 14 वर्षाच्या मुलाचा मास्कमुळे मृत्यू झाला होता.'

...अन् वर्गात मध्येच सुरू झाला अश्लिल व्हिडिओ

दरम्यान, चीनमधून कोरोना व्हायरसला सुरवात झाल्यानंतर मास्कची सक्ती करण्यात आली होती. पण, कोरोनाचा प्रादुर्भाव कमी झाल्यानंतर मास्कची सक्ती मागे घेण्यात आली आहे.  बीजिंगमध्ये मास्क वापरण्यास सक्ती नाही. कोरोनाने चीनमध्ये शिरकाव करण्यास पुन्हा सुरुवात केली आहे.

Video : चपाती बनवताना झाली फजिती...