डेल्टा व्हेरियंटबद्दल जागतिक आरोग्य संघटनेने (डब्ल्यूएचओ) पुन्हा एकदा धोक्याचा इशारा दिला आहे. डेल्टा व्हेरियंट जवळपास 132 देशात पसरला असून लसीकरण न झाल्यास तो अधिकच घातक ठरेल. परिस्थिती बिघडण्यापूर्वीच डेल्टाचा प्रसार रोखावा, असा इशारा आरोग्य संघटनेनं दिला आहे. गेल्या आठवड्याच 4 मिलियन म्हणजेच 40 लाख नवे रुग्ण जगभरात आढळले आहेत. कोरोनाबाधित रुग्णांची संख्या 200 मिलियनच्या पुढे गेली आहे. त्यामुळे भविष्यातही डेल्टा व्हेरियंट अधिक धोकादायक ठरु शकतो, त्यामुळे वेळीच लसीकरण करणं गरजेचं आहे.
जागतिक आरोग्य संघटनेचे डॉ. टेड्रॉस यांनी शुक्रवारी पत्रकार परिषदेत डेल्टा व्हेरियंटबाबात धोक्याचा इशारा दिला आहे. ते म्हणाले की, डेल्टा व्हेरियंटला रोखायचं असेल तर जगभरातील सर्वच देशांनी वेगानं लसीकरण पूर्ण करुन घ्यावे. अन्यथा डेल्टा व्हेरियंट अधिक धोकादायक आणि घातक अन् जीवघेणा ठरु शकतो. डेल्टा व्हेरियंटला नियंत्रणात आणण्यासाठी जगभरातील सर्व देशांनी प्रयत्न करायला हवेत, अन्यथा परिस्थिती अधिकच बिकट होण्याची शक्यता आहे.
डॉ. टेड्रॉस म्हणाले की, आतापर्यंत कोरोनाचे चार धोकादायक व्हेरियंट समोर आले आहेत. या विषाणूचा प्रादुर्भाव वेगानं होत असल्यामुळे व्हेरियंटमध्ये वाढ होत आहे. नियमंत्रण न मिळवल्यास यापुढेही व्हेरियंटमध्ये वाढ होतच राहणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
