पाकिस्तानात सध्या अत्यंत बिकट परिस्थिती आहे. एकीकडे अन्नधान्याचा तुटवडा आहे, तर दुसरीकडे महागाईने उच्चांक गाठलाय. लोकांना एक वेळचं जेवण मिळत नसताना, पाकिस्तानात गाढवांची संख्या मात्र मोठ्या प्रमाणात वाढत आहे. या गोष्टीचा पाकिस्तानचा जवळचा मित्र चीन कारणीभूत आहे.
गेल्या तीन वर्षांमध्ये पाकिस्तानातील गाढवांच्या संख्येत अभूतपूर्व वाढ झाली आहे. चीनमध्ये निर्यात करता यावी, यासाठी पाकिस्तानात मोठ्या प्रमाणात गाढवं वाढवण्यात येत आहेत. गाढवांसोबतच पाकिस्तानातून श्वानांचीही निर्यात चीनमध्ये होते.
जगात तिसरा नंबर
गाढवांच्या संख्येत पाकिस्तानचा जगात तिसरा नंबर लागतो. एका सर्वेक्षणानुसार पाकिस्तानात २०१९-२० या वर्षी पाकिस्तानात ५५ लाख गाढवं होती. तर, २०२२-२३ या वर्षात देशातील गाढवांची संख्या ५८ लाखांवर गेली आहे.
तीन हजार एकरचा फार्म
चीन यापूर्वी नायजेर आणि बुर्किना फासो या आफ्रिकी देशांमधून गाढवं आयात करत होता. मात्र, या देशांनी गाढवांची निर्यात बंद केल्यानंतर चीनने पाकिस्तानला मदत मागितली. चीनची ही मागणी पूर्ण करण्यासाठी पाकिस्तान सरकारने पंजाब प्रांतातील ओकारा जिल्ह्यात तब्बल तीन हजार एकर मोठा फार्म उभारला आहे.
चीनला का गरज?
चीनमध्ये गाढवांच्या त्वचेपासून जिलेटिन काढलं जातं. पारंपारिक चिनी औषध बनवण्यासाठी याचा वापर केला जातो. यासाठी मोठ्या प्रमाणात गाढवांची कत्तल केली जाते. यामुळेच चीनमधील गाढवांची संख्या कमी झाली आहे. ही कमतरता भरून काढण्यासाठी चीन पाकिस्तानातून गाढवं आयात करत आहे. एशियानेट न्यूजने याबाबतचं वृत्त प्रसिद्ध केलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
