लंडन : ब्रिटनमधील कलाक्षेत्रात नवोदित कलाकारांना संधी निर्माण करण्यासाठी लंडनमध्ये ‘उत्सव’ हा कार्यक्रम सादर केला जाणार आहे. ‘हार्मनी क्रिएशन्स’तर्फे संगीतकार, गायिका स्वाती नाटेकर या हा कार्यक्रम सादर करणार आहेत. विदुषी डॉक्टर सुशीलाताई पोहनकर यांच्या जन्मशताब्दीनिमित्त त्यांना मानवंदना म्हणून हा कार्यक्रम सादर होणार आहे. सुशीलाताई पोहनकर या स्वाती नाटेकर यांच्या आई व गुरू आहेत.
लंडनमध्ये २१ जुलैला कार्यक्रमाचे सादरीकरण होणार असल्याचे नाटेकर यांनी सांगितले. या कार्यक्रमासाठी आर्ट्‌स कौन्सिल ऑफ इंग्लंड या सरकारी संस्थेने अर्थसाह्य केले आहे. ‘‘सुशीलाताई या एक प्रतिभावान कलाकार होत्या.
अभिजात संगीताचा सखोल अभ्यास करत डॉक्टरेट पदवी प्राप्त केली, सुरमोही या नावाने अनेक बंदिशी रचल्या व नामवंत विद्यार्थी घडवले. गायक पंडित अजय पोहनकर, अंजली पोहनकर, कल्पना झोकरकर, उत्तरा चौसाळकर, गझल गायक जसविंदर सिंग, घनश्याम वासवानी व सुवर्णा तिवारी हे त्यांचे शिष्य आहेत.
प्रसिद्ध कथक नृत्यांगना अश्विनी काळसेकर त्यांच्या शिष्यांसह ‘देवी’ या प्रस्तुतीने सोहळ्याची सुरुवात करतील. त्यानंतर देबस्मिता भट्टाचार्य यांचे सरोदवादन होणार असून ‘उत्सव’ची सांगता स्वाती नाटेकरांच्या गायनाने होईल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.