कोरोना विषाणूला रोखण्यासाठी सध्या तरी कोणतंच औषध उपलब्ध झालेलं नाही. त्यामुळे या काळात स्वच्छता बाळगणं आणि सॅनिटायझरचा वापर करणं अनिवार्य झालं आहे. कोणत्याही वस्तूला स्पर्श केल्यास किंवा सार्वजनिक ठिकाणी वावरतांना सॅनिटायझरचा वापर करणं अत्यंत गरजेचं आहे. परंतु, एका व्यक्तीला धुम्रपान करताना सॅनिटायझरचा (sanitizer) वापर करणं चांगलंच महागात पडलं आहे. धुम्रपान (smoking) व सॅनिटायझर (sanitizer) यांचा एकत्र संपर्क आल्यामुळे या व्यक्तीची संपूर्क कार जळून खाक झाली आहे. (driver was smoking car bursts into flames)
अमेरिकेतील Maryland येथे राहणाऱ्या एका व्यक्तीच्या कारमध्ये ठेवलेल्या हॅण्ड सॅनिटायझरमुळे त्याच्या कारला आग लागली आहे. विशेष म्हणजे ही आग इतक्या मोठ्या प्रमाणात होती की, ज्यामुळे त्याची आख्खी गाडी जळून खाक झाली आहे.
नेमकी कशी लागली आग?
Montgomery County Fire and Rescue Service च्या माहितीनुसार, संबंधित इसम त्याच्या कारमध्ये बसून स्मोकिंग करत होता. यावेळी त्याच्या कारमध्ये सॅनिटायझरदेखील होते. या दोघांचा परस्पर संपर्क आल्यामुळे ही आग लागल्याचं म्हटलं जात आहे. विशेष म्हणजे या व्यक्तीने प्रसंगावधान राखत पेटलेल्या कारमधून बाहेर उडी मारल्यामुळे त्याचे प्राण वाचले आहेत. सध्या या व्यक्तीला रुग्णालयात दाखल करण्यात आलं असून त्याच्यावर उपचार सुरु आहेत.
दरम्यान, सॅनिटायझरमध्ये इथेनॉल किंवा isopropanol असतं. हे दोन्ही पदार्थ ज्वालाग्राही आहेत. त्यामुळे स्मोकिंग करतांना ही आग लागली. यापूर्वीदेखील अशा अनेक घटना घडल्या आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
